ناتيجەسىندە قامشىبەك قوڭقابايەۆ توكيوداعى وليمپيادا ويىندارىنىڭ قولا جۇلدەگەرى اتاندى.
قازاقستاندىق بوكسشى قامشىبەك قوڭقابايەۆ توكيو وليمپيداسىنىڭ جارتىلاي فينالىندا ءسۇرىندى.
91 كەلىدەن جوعارى سالماقتا ونەر كورسەتكەن بوكسشى جارتىلاي فينالدا امەريكالىق ريچارد توررەسپەن جۇدىرىقتاستى. ءۇشىنشى راۋندتا قازاقستاندىق بوكسشىنىڭ قاباعى جارىلىپ، جەڭىس اقش وكىلى ريچارد توررەسكە بەرىلدى.
العاشقى جەكپە-جەكتە قوڭقابايەۆ مىسىرلىق ەسري موستافا رەزكتى 5:0 ەسەبىمەن جەڭگەن بولاتىن. ودان كەيىن شيرەك فينالدا رەسەيلىك بوكسشى يۆان ۆەرياسوۆتان باسىم ءتۇسىپ، جارتىلاي فينالعا شىققان.
28 جاستاعى قامشىبەك قوڭقابايەۆ قىزىلوردا وبلىسىندا تۋعان. 2017 جانە 2019 جىلدارى الەم چەمپيوناتىندا كۇمىس مەدال ەنشىلەگەن. 2017، 2019 جانە 2021 جىلدارى ازيانىڭ ۆيسە-چەمپيونى اتانعان. بيىلعى توكيو وليمپياداسىنىڭ اشىلۋ سالتاناتىندا قوڭقابايەۆ تۋ ۇستاپ شىققان.
توكيو وليمپياداسىندا جارىس جولىندا ءبىر عانا قازاقستاندىق قالدى. ول كەشە يسپانيالىق ەسكوبار ماسكۋنانونى جەڭىپ، جارتىلاي فينالعا شىققان.
پىكىر قالدىرۋ