دەنساۋلىق ساقتاۋ مينيسترلىگى 8 تامىز كۇنگى ەپيدەميولوگيالىق جاعداي تۋرالى اقپارات جاريالادى.

مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 7671 ادامنان كوروناۆيرۋس، 76 ادامنان پنيەۆمونيا انىقتالعان. 7 تامىزدا 112 ادام كوروناۆيرۋستان، 28 ناۋقاس پنيەۆمونيادان كوز جۇمعان.

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى  641 885-كە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 63 442. 

9 تامىزداعى مالىمەت بويىنشا، 113 186 ادام كوروناۆيرۋس ينفەكسياسىنان (–109 382 + جانە 3 804 كۆي-) ەمدەلۋدە، ولاردىڭ ىشىندە 31 504 پاسيەنت ستاسيوناردا، 81 682 ناۋقاس امبۋلاتوريالىق دەڭگەيدە ەم قابىلداۋدا.

1981 ادامنىڭ جاعدايى اۋىر، 402 پاسيەنتتىڭ جاعدايى وتە اۋىر، 192 ناۋقاس ءوجج اپپاراتىندا جاتىر.

"قىزىل" ايماقتا: نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارى.

"جاسىل" ايماقتا: تۇركىستان وبلىسى تۇر.

9 تامىزداعى مالىمەت بويىنشا قازاقستاندا كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 5 750 698 ادام، 2-كومپونەنتىن 4 382 869 ادام سالدىرعان.