جۇڭگو حالىق رەسپۋبليكاسىمەن جۇرگىزىلگەن كەلىسسوزدەردىڭ قورىتىندىسى بويىنشا كوروناۆيرۋسقا قارسى Sinopharm ۆاكسيناسىنىڭ ءبىرىنشى پارتياسى، الماتى "سك-فارماسيا" قويمالارىنا جەتكىزىلدى. بۇل تۋرالى دەنساۋلىق ساقتاۋ مينيسترلىگى حابارلادى.
دەنساۋلىق ساقتاۋ مينيسترلىگىنىڭ تاپسىرماسى بويىنشا، بەيجىڭ بيولوگيالىق ونىمدەر ينستيتۋتى ازىرلەگەن Sinopharm ۆاكسيناسىنىڭ 4 ملن دوزاسى ساتىپ الىندى.
جۇڭگو ۆاكسيناسىنىڭ ءبىرىنشى پارتياسى 1 ملن دوزادان تۇرادى. ول ەلدە بەسىنشى ۆاكسينا بولىپ تىركەلدى. Sinopharm پرەپاراتى قازاقستاندىقتارعا كوروناۆيرۋس ينفەكسياسىنا قارسى ۆاكسيناسيالاۋ ءۇشىن قولدانىلادى.
Sinopharm ددۇ-مەن ءقاۋىپسىز جانە ءتيىمدى دەپ جىكتەلگەن العاشقى جۇڭگو پرەپاراتى، 45 ەلدە ەرەسەكتەرگە ۆاكسيناسيالاۋعا رۇقسات ەتىلگەن. بۇگىنگى تاڭدا قىتايدان باسقا، ۆاكسينا ءباا مەن سەربيادا وندىرۋگە ماقۇلدانعان.
پىكىر قالدىرۋ