دەنساۋلىق ساقتاۋ مينيسترلىگى 10 تامىز كۇنگى ەپيدەميولوگيالىق جاعداي تۋرالى اقپارات جاريالادى.

مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 7657 ادامنان كوروناۆيرۋس، 588 ادامنان پنيەۆمونيا انىقتالعان. 9 تامىزدا 130 ادام كوروناۆيرۋستان، 24 ناۋقاس پنيەۆمونيادان كوز جۇمعان.

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى  656 777-كە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 64 056. 

11 تامىزداعى مالىمەت بويىنشا، 112 843 ادام كوروناۆيرۋس ينفەكسياسىنان (–108 824 + جانە 4 019 كۆي-) ەمدەلۋدە، ولاردىڭ ىشىندە 30 181 پاسيەنت ستاسيوناردا، 82 662 ناۋقاس امبۋلاتوريالىق دەڭگەيدە ەم قابىلداۋدا.

1808 ادامنىڭ جاعدايى اۋىر، 451 پاسيەنتتىڭ جاعدايى وتە اۋىر، 215 ناۋقاس ءوجج اپپاراتىندا جاتىر.

"قىزىل" ايماقتا: نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، تۇركىستان، سولتۇستىك قازاقستان جانە شىعىس قازاقستان وبلىستارى.

11 تامىزداعى مالىمەت بويىنشا قازاقستاندا كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 5 879 016 ادام، 2-كومپونەنتىن 4 505 662 ادام سالدىرعان.