شىمكەنت قالاسى اباي اۋدانىنىڭ اكىمى ب.پارمانوۆ @akimat_shymkent پاراقشاسىندا تۇرعىندارمەن تىكەلەي ەفيردە كەزدەستى. وندا تۇرعىن ءۇيدى باسقارۋدىڭ جاڭا ءتۇرى تۋرالى بايانداپ، تۇرعىنداردان كەلىپ تۇسكەن سۇراقتارعا جاۋاپ بەردى

«اباي اۋدانىندا جاڭا نىسانعا وتۋگە بولاتىن 374 كوپقاباتتى تۇرعىن ءۇي بار. بۇگىندە ونىڭ 90-دا جاي سەرىكتەستىك جانە 52 كوپقاباتتى تۇرعىن ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى. بۇدان بولەك، 3 ءۇيدىڭ قۇجاتتارى «ازاماتتارعا ارنالعان ۇكىمەت" مەملەكەتتىك كورپوراسياسى» مەكەمەسى ارقىلى راسىمدەۋ جۇمىستارى جۇرگىزىلۋدە»، - دەيدى اۋدان اكىمى.

ميب – ءبىر كوپپاتەرلى تۇرعىن ءۇي پاتەرلەرىنىڭ، تۇرعىن ەمەس ءۇي-جايلارىنىڭ مەنشىك يەلەرى قۇرعان، ونى كۇتىپ-ۇستاۋدى قارجىلاندىراتىن جانە ونىڭ ساقتالۋىن قامتاماسىز ەتەتىن، «ءبىر ءۇي - ءبىر مۇلىك يەلەرىنىڭ بىرلەستىگى - ءبىر ەسەپشوت» پرينسيپىنە نەگىزدەلگەن زاڭدى تۇلعا رەتىندە تىركەلگەن كوممەرسيالىق ەمەس ۇيىم بولىپ تابىلادى.

جس – زاڭدى تۇلعا قۇرماي، «ءبىر ءۇي – ءبىر جاي سەرىكتەستىك – ءبىر ەسەپشوت» ءپرينسيپى بويىنشا جۇمىس ىستەيدى.

ب.پارمانوۆ الەۋمەتتىك جەلى قولدانۋشىلارىنا جاڭا باسقارۋ ءتۇرىنىڭ - كۇتىپ ۇستاۋعا جينالعان قاراجاتتى وزدەرى باسقارادى؛ جۇمىستارعا تاپسىرىس بەرۋشىنى وزدەرى تاڭداپ، وعان باعا بەرە الادى؛ اۋلاداعى ۋچاسكەگە مەملكەتتىك اكت راسىمدەۋ جبو ارقىلى جۇرگىزىلەدى دەگەن سەكىلدى ارتىقشىلىقتارىن ءتۇسىندىرىپ ءوتتى.

سونىمەن بىرگە، تىكەلەي ەفير بارىسىندا تۇرعىندار تاراپىنان 70-كە جۋىق سۇراق قويىلدى. ساۋالداردىڭ باسىم بولىگى شالعاي ەلدىمەكەندەردىڭ ينفراقۇرىلىم ماسەلەسىنە قاتىستى بولدى.

ودان بولەك، اۋدان اكىمى جىلۋ ماۋسىمىنا دايىندىق جۇمىستارى دا جۇرگىزىلىپ جاتقانىن ايتتى. 15 تامىزعا دەيىن جىلۋ جۇيەسىنە دايىن ۇيلەر سانىن 70 پايىزعا جەتكىزۋ جوسپارلانۋدا ەكەنىن جەتكىزدى.