شىمكەنت قالاسىنىڭ توتەنشە جاعدايلار دەپارتامەنتى جازعى كەزەڭدەگى شومىلۋ ماۋسىمىنىڭ ءقاۋىپسىز وتۋىنە ەرەكشە نازار اۋدارۋدا. دەپارتامەنت باستىعى، ازاماتتىق قورعاۋ پولكوۆنيگى ماديار جاقسىبايەۆتىڭ ايتۋىنشا، بۇل باعىتتا پراكتيكالىق جانە پروفيلاكتيكالىق ءىس-شارالار كەشەنى اتقارىلىپ، ءبىرىنشى كەزەكتە سۋ ايدىندارىندا بالالاردىڭ قاۋىپسىزدىگىن قامتاماسىز ەتۋ شارالارى جۇزەگە اسىرىلدى.

توتەنشە جاعدايلار دەپارتامەنتى اۋدان اكىمدىكتەرىمەن بىرگە 2021 جىلى بالالاردى، ونىڭ ىشىندە تۇرمىس جاعدايى تومەن جانۇيالاردىڭ بالالارىن سۋعا شومىلۋ ورىندارىندا ءجۇزۋدى تەگىن ۇيرەتۋ بويىنشا باسسەيندەردىڭ يەلەرىمەن 10 مەموراندۋم بەكىتتى. اعىمداعى جىلى 500 بالاعا ءجۇزۋدى ۇيرەتۋ جوسپارلانسا، قازىرگى تاڭدا 423 بالا ءجۇزۋدى ۇيرەندى.

دەپارتامەنت ءوز قۇزىرەتى شەڭبەرىندە پوليسيا دەپارتامەنتى، جەرگىلىكتى اتقارۋشى ورگاندار، ۇلتتىق ۇلاننىڭ №6506 اسكەري ءبولىمى، ۆولونتەرلىك ۇيىمدارىمەن بىرلەسىپ كۇن سايىن، دەمالىس جانە مەرەكە كۇندەرى قالا اۋماعىندا ورنالاسقان تابيعي جانە جاساندى سۋ ايدىندارىنداعى دەمالىس ورىندارىندا قاۋىپسىزدىك شارالارىن وتكىزەدى.

ايتا كەتۋ كەرەك، اتقارىلعان جۇمىستاردىڭ ناتيجەسىندە 31 ادام اكىمشىلىك جاۋاپكەرشىلىككە تارتىلىپ، 452 مىڭ 135 تەڭگە ايىپپۇل سالىنعان. شومىلۋ كەزىندە ءوز كۇشتەرىن جەتە باعالاماۋ فاكتىسى بويىنشا 2021 جىلى 6 تامىزدا ەڭبەكشى اۋدانىنىڭ ماياتاس ەلدىمەكەنىندەگى بادام وزەنىندە 1 وقيعا تىركەلدى. ياعني، قالا اۋماعىندا شومىلۋ ماۋسىمى باستالعالى بەرى ءبىرىنشى وقيعا تىركەلىپ وتىر.