كامەلەت جاسقا تولماعان جاسوسپىرىمدەر اراسىندا قىلمىستى بولدىرماۋ جانە قۇقىق بۇزۋشىلىقتىڭ الدىن الۋ ماقساتىندا شىمكەنتتە كەشكى-تۇنگى رەيدتىك جۇمىستار وتۋدە. وسى باعىتتا جاستار رەسۋرتىق ورتالىعى جانە پوليسيا قىزمەتكەرلەرى بىرلەسىپ قوعامدىق ورىنداردى ارالاپ، باقىلاۋ جۇمىستارىن جۇرگىزدى.
– شارا بارىسىندا ادام كوپ شوعىرلانعان قوعامدىق ورىنداردا، ويىن ساۋىق ورتالىقتارىندا تۇنگى ۋاقىتتا زاڭدى تۇلعانىڭ ەرىپ ءجۇرۋىنسىز كوڭىل كوتەرىپ جۇرگەن ءبىرقاتار ءجاسوسپىرىم انىقتالىپ، پوليسيا بولىمىنە جەتكىزىلدى. ۇيىمداستىرۋشىلاردىڭ ايتۋىنشا باستى ماقسات جاستاردى ايىپپۇل ارقالاتۋ ەمەس، كەرىسىنشە تۇسىندىرمە جۇمىستارىن جۇرگىزۋ، – ەرلان تۇرسىنبەك ۇلى «جاستار رەسۋرستىق ورتالىعى» كومۋنالدىق مەملەكەتتىك مەكەمەسى باسشىسىنىڭ ورىنباسارى
انىقتالعان ازاماتتاردىڭ اتا-انالارىنا جەكەلەي تۇسىندىرمە جۇمىستارى جۇرگىزىلدى. تەكسەرۋ جۇمىستارىنا قۇزىرلى ورگان وكىلدەرىمەن قاتار ەرىكتى جاستار دا اتسالىستى. بۇنداي شارالار الداعى ۋاقىتتا دا جالعاسىن تابادى. ايتا كەتەيىك، جىل باسىنان بەرى ءۇشىنشى مەگاپوليس اۋماعىندا 8 رەيدىك شارالار ۇيىمداستىرىلعان. ناتيجەسىندە قوعامدىق ورىنداردا ءتارتىپ بۇزۋشىلىق كورسەتكىشى تومەندەگەن.
