شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن ينۆەستيسيالىق شتابتىڭ كەزەكتى وتىرىسى ءوتتى. كۇن تارتىبىندە ءبىرقاتار ماسەلەلەر قارالىپ، اتقارىلعان جۇمىستار قورىتىندىلاندى.
جيىندا جاڭا جوبالار مەن ولاردىڭ وزەكتى ماسەلەلەرى، نەگىزگى كاپيتالعا سالىنعان ينۆەستيسيالاردىڭ 7 ايدا ورىندالۋى مەن الداعى جوسپارلار، «وڭىرلىك برەندتەردى دامىتۋ» جوباسى اياسىندا شاعىن جانە ورتا بيزنەستى دامىتۋ، ءال-فارابي، ەڭبەكشى جانە قاراتاۋ اۋداندارى اكىمدىكتەرىنىڭ ينۆەستيسيا تارتۋ بويىنشا اتقارىلىپ جاتقان جۇمىستارى تالقىلاندى.
جيىندا الدىمەن Zoom جۇيەسى ارقىلى ينۆەستورلار 9 جوبانى ۇسىندى. كومىرقىشقىل گازىن قايتا وڭدەيتىن «PET» ج ش س، «SLT» كوكونىس جانە جەمىستى قايتا وڭدەۋ، «Selena Group» قۇرعاق قوسپالار دايىنداۋ، «يۋجسترويسەرۆيس» قويمالار ءوندىرىسى قۇرىلىسى، «كازاحستانسكايا نەفتەحيميچەسكايا كومپانيا كەميكال» ج ش س، «شىمكەنت قۇس» ج ش س، «كەرەمەت ساپا» ج ش س كوكونىس ساقتاۋ، «Prestige House» جشس-نىڭ كوپقاباتتى تۇرعىن ءۇي جوباسى جانە «سامرۇق» سپورت كەشەنىنىڭ قۇرىلىسى تانىستىرىلدى. الداعى اقپاراتتاردا جاڭا جوبالارعا جەكە-جەكە توقتالىپ وتەمىز.
ينۆەستيسيالىق شتاب وتىرىسىنا باسقارما باسشىلارى، اۋدان اكىمدەرى جانە Zoom جۇيەسى ارقىلى ينۆەستورلار قاتىستى.
وعان قوسا، شىمكەنت قالاسىنىڭ ينۆەستيسيالىق شتابتىڭ كەزەكتى وتىرىسىندا قالاداعى شاعىن جانە ورتا بيزنەستىڭ دامۋ ماسەلەلەرى تالقىعا ءتۇستى. اتاپ اييتقاندا، بۇل باعىتتا «وڭىرلىك برەندتەردى دامىتۋ» جوباسى، «ىسكەر قالا» وڭىرلىك باعدارلاماسى بويىنشا ۇسىنىستار ايتىلدى.
اتالعان جوبالار بويىنشا قالالىق كاسىپكەرلەر پالاتاسىنىڭ ديرەكتورى نۇرلان قابىشتايەۆ، قالالىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى بەرەكە دۇيسەبەكوۆ باياندادى.
كاسىپكەرلەر پالاتاسى ديرەكتورىنىڭ ايتۋىنشا، بۇگىندە «باستاۋ بيزنەس» كۋرسىن بىتىرگەندەرگە قولداۋ جەتكىلىكتى. ولارعا نەگىزىنەن ءۇش باعىتتا – ونەركاسىپ، ساۋدا جانە قىزمەت كورسەتۋ، اگروونەركاسىپ كەشەنى بويىنشا ءتۇرلى جەڭىلدىكتەر ۇسىنىلۋدا.
شاھاردا شاعىن جانە ورتا بيزنەستىڭ تيىمدىلىگىن ارتتىرۋدىڭ كەشەندى شەشىمدەرى قولعا الىنۋدا. سونىڭ ءبىرى – كىشى يندۋستريالدى ايماقتار قۇرۋ. «باستاۋ بيزنەستە» وقىعان كاسىپكەرلەرگە كىشى يندۋستريالدى ايماقتان ورىندار ۇسىنىلۋدا. باستى ارتىقشىلىقتارى – دايىن ساۋدا ورىندارى، جەڭىلدىك شارتتارىمەن جالعا الۋ جانە ينفراقۇرىلىمنىڭ قولجەتىمدىلىگى.
سونداي-اق، وڭىرلىك برەندتەردى دامىتۋ اياسىندا فرانشيزا جوبالارىنىڭ تيىمدىلىگىن ارتتىرۋ كوزدەلۋدە. فرانشيزا – دايىن بيزنەس. وندا كاسىپتى تولىق سۇيەمەلدەۋ مۇمكىندىگى بار.
شتاب وتىرىسىندا شاعىن جانە ورتا بيزنەستى دامىتۋدا «ىسكەر قالا» وڭىرلىك باعدارلاماسىن قابىلداۋ، وڭىرلىك باعدارلاما قورىن قالىپتاستىرۋ بويىنشا قارجى كوزدەرىن قاراستىرۋ، «باستاۋ بيزنەس» كۋرسىن جەرگىلىكتى بيۋدجەتتەن قارجىلاندىرۋ بويىنشا ۇسىنىستار تالقىلاندى.
جالپى 2021-2023 جىلدارى كۇتىلەتىن ناتيجەلەرگە توقتالىپ وتسەك. قالادا 1000 ساۋدا نۇكتەسىمەن وڭىرلىك 50 برەندتى قالىپتاستىرۋ (3000 جۇمىس ورنى)، 500 جەكە كاسىپكەرلىك نىسانى بويىنشا 4 كىشى يندۋستريالدى ايماق قۇرۋ (2،5 مىڭ جۇمىس ورنى) جوسپارلانۋدا. سونىمەن قاتار، 30 كووپەراتيۆ ۇيىمداستىرىپ، شارۋا قوجالىق سانىن 600-گە جەتكىزۋ نازاردا. جۇمىس ورنىنىڭ سانى – 1،5 مىڭ.
ايتا كەتسەك، بۇگىندە شاھاردا 69،5 مىڭ شاعىن كاسىپكەرلەرىك نىساندارى جۇمىس ىستەيدى: اباي اۋدانىندا – 24 177، ءال-فارابي اۋدانىندا – 16 551، ەڭبەكشى اۋدانىندا – 16 151 جانە قاراتاۋ اۋدانىندا – 12 651 نىسان بار.
بەلسەندى شاعىن جانە ورتا بيزنەس نىساندارىنىڭ سانىن بيىل 71 مىڭعا جەتكىزۋ كوزدەلگەن. ال 2023 جىلى 83 مىڭعا جەتكىزۋ جوسپاردا. بيىل قاڭتار-ناۋرىز ايىندا 222،1 ملرد تەڭگەنىڭ ءونىمى شىعارىلعان.
ينۆەستيسيالىق شتابتىڭ كەزەكتى وتىرىسىندا جاڭا جوبالار مەن جوبالاردىڭ وزەكتى ماسەلەلەرى قارالدى. Zoom جۇيەسى ارقىلى ينفەستورلار ءوز جوبالارىن ۇسىندى. اۋىل شارۋاشىلىعى ونىمدەرىن قايتا وڭدەۋ، قۇرىلىس سالاسى، قۇس شارۋاشىلىعىن دامىتۋ بويىنشا جانە الەۋمەتتىك نىساندار قۇرىلىسى، جالپى 9 جوبا تانىستىرىلدى.
اتاپ ايتقاندا، «رەت» ج ش س كومىرقىشقىل گازىن قايتا وڭدەيتىن كاسىپورىن سالۋعا نيەتتى. جوبا قۇنى – 3،5 ملن اقش دوللارى. 2022-2023 جىلدارعا جوسپارلانعان جوبا تاۋلىگىنە 40 توننادان استام كومىرقىشقىل گازىن قايتا وڭدەۋگە قاۋقارلى.
جەمىس جانە كوكونىستەردى قايتا وڭدەۋگە ماماندانعان «SLT» كاسىپورنى 200 ادامدى تۇراقتى جۇمىسپەن قامتىماق. ءوندىرىس ورنى ساعاتىنا 3 توننادان استام جەمىس جانە كوكونىستەردى قايتا وڭدەمەك. قۇرال-جابدىقتار تۇركيا، بەلگيا، گەرمانيا جانە يتاليادان اكەلىنەدى. قازىرگى ۋاقىتتا كەلىسىمدەر جۇرگىزىلۋدە.
ال «كەرەمەت-ساپا» ج ش س كوكونىس ساقتاۋ باعىتىنا ماماندانعان. جوبا قۇنى – 500 ملن تەڭگە. التىنتوبە تۇرعىن الابىندا قۇرىلىس ءۇشىن جەر تەلىمى دايىن.
Selena Group (پولشا) كومپانياسى قۇرىلىسقا قاجەتتى قۇرعاق قوسپالار ءوندىرىسى جوباسىن ۇسىندى. جوبا قۇنى – 3 ملرد تەڭگە. جەكە كاسىپكەر ءوندىرىستى 2021-2022 جىلدارى ىسكە اسىرۋدى جوسپارلاپ وتىر. وعان قاجەتتى جەر تەلىمى – 2 گا. جۇلدىز يندۋستريالدى ايماعىنان جەر تەلىمىن بەرۋ كوزدەلۋدە.
«شىمكەنت قۇس» ج ش س قۇس فەرمانىڭ قۇرىلىسى ءۇشىن 3 گەكتار جەر تەلىمى قاجەتتىگىنە نازار اۋداردى. جىلىنا 60 ملن دانا جۇمىرتقا وندىرەتىن كاسىپورىننىڭ جوبا قۇنى – 1 200 ملن تەڭگە. 30 ادام تۇراقتى جۇمىس ورنىمەن قامتىلماق. بۇگىندە جوبالاۋ جۇمىستارى جۇرگىزىلۋدە.
سونىمەن قاتار، فك «سامرۋك» جەكە كاسىپكەرلىگى «سامرۇق» سپورت كەشەنىنىڭ قۇرىلىسىن سالۋدى جوسپارلاۋدا. وعان سايكەس، ميني-فۋتبول الاڭدارىن اشۋ، جاعاجايداعى ميني-فۋتبول، اشىق مانەج، اۋقىمدى سپورتتىق ءىس-شارالاردى وتكىزۋمەن قاتار، بوكس، كۇرەس، شاحمات، ۇستەل تەننيسى، گيمناستيكا، بالەت، كاراتە جانە تاعى باسقا سپورت تۇرلەرىن دامىتۋدى كوزدەۋدە. جوبا قۇنى – 1 ملرد تەڭگە. جوبانى 2021-2025 جىلدارى ىسكە اسىرۋعا نيەتتى. وعان 4،0 گا جەر تەلىمى قاجەت.
سونداي-اق، شتاب وتىرىسىندا «يۋجسترويسەرۆيس» جشس-نىڭ قويمالار ءوندىرىسى، «كازاحستانسكايا نەفتەحيميچەسكايا كومپانيا كەميكال» ءجشس-نىڭ پوليمەرلەر ءوندىرىسى جانە «Prestige House» ءجشس-نىڭ كوپقاباتتى تۇرعىن ءۇي جوباسى تانىستىرىلدى.
