نۇر-سۇلتان قالاسى باس سانيتار دارىگەرىنىڭ ورىنباسارى جاننا پىرالييەۆا Ashyq قوسىمشاسىندا "جاسىل" ستاتۋسى بار ادامدارعا دەمالىس كۇندەرى قايدا كىرۋگە رۇقسات ەتىلەتىنىن ايتتى. 

– وبلىسارالىق، وبلىسىشىلىك تۇراقتى تاسىمالعا، قوناق ۇيلەرگە، مەيمانحانالارعا، اۋەجايلارعا، تەمىرجول ۆوكزالدارىنا، جوعارى وقۋ ورىندارىنا، ءبىلىم بەرۋ مەكەمەلەرىنە، كوللەدجدەرگە، ينتەرناتتار مەن ءبىلىم بەرۋ ۇيىمدارىنىڭ جاتاقحانالارىنا "جاسىل" ستاتۋس بولۋى كەرەك دەگەن تالاپ قويىلمايدى، – دەدى جاننا پىرالييەۆا. 

بۇعان دەيىن قازاقستاننىڭ باس سانيتار دارىگەرى ەرلان قياسوۆ جاڭا قاۋلىعا قول قويعان. وعان ساي دەمالىس كۇندەرى تەك Ashyq قوسىمشاسىنا قوسىلعان ءدامحانالار مەن ساۋدا ويىن-ساۋىق ورتالىقتارىنا "جاسىل" ستاتۋسى بار ازاماتتار عانا كىرگىزىلەتىنى ايتىلعان. 

Ashyq قوسىمشاسىندا "جاسىل" ستاتۋس ۆاكسينا سالدىرعانداردا شىعادى.