بەلگىلى اقىن، جۋرناليست نەسىپبەك ءداۋتاي ۇلى قايتىس بولدى.

نەسىپبەك ءداۋتاي ۇلى 1947 جىلى 30 اقپاندا جامبىل وبلىسى قورداي اۋدانى كيروۆ اتىنداعى كولحوزدا (قازىرگى كەنەن اۋىلى) دۇنيەگە كەلگەن. قازاق مەملەكەتتىك ۋنيۆەرسيتەتىن بىتىرگەن.

1972—1980 جىلدارى اۋداندىق «قورداي» گازەتىندە ءتىلشى، ءبولىم مەڭگەرۋشىسى، جاۋاپتى حاتشى قىزمەتتەرىن اتقارعان. جامبىل وبلىستىق گازەتىندە مەنشىكتى ءتىلشى بولعان. سوڭعى جىلدارى «جامبىل» ادەبي-كوپشىلىك جۋرنالىنىڭ باس رەداكتورى بولعان. قازاقستان جازۋشىلار وداعى جامبىل وبلىستىق فيليالىنىڭ ديرەكتورى قىزمەتىن اتقارعان.

ول تاڭداۋلى كوركەم شىعارمالارعا ارنالعان رەسپۋبليكالىق جابىق بايگەلەردىڭ جۇلدەگەرى، ع.ءمۇستافيننىڭ 100 جىلدىعىنا بايلانىستى ۇزدىك اڭگىمەلەرگە ارنالعان ادەبي بايگەنىڭ باس جەڭىمپازى بولعان. ق ر ۇلتتىق كىتاپحاناسى وتكىزگەن «ەڭ ۇزدىك رومان» بايقاۋىندا «قۇدىرەت پەن قاسىرەت» رومانى جۇلدە يەلەنگەن. حالىقارالىق «الاش» ادەبي سىيلىعىنىڭ، «قازاق ادەبيەتى» گازەتىنىڭ پروزا جانرى بويىنشا لاۋرەاتى.  حالىقارالىق «دارابوز» ادەبي بايگەسىنىڭ باس جەڭىمپازى اتانعان.