شىمكەنت – قازاقستاننىڭ جەتەكشى ونەركاسىپتىك جانە ەكونوميكالىق ورتالىقتارىنىڭ ءبىرى. مەگاپوليس ورتالىعىندا اۋىل شارۋاشىلىعى سالاسىن دامىتۋعا قولايلى بولماسا دا، قالا اۋماعىندا ەتتىك-سۇتتىك مال شارۋاشىلىعى مەن وسىمدىك شارۋاشىلىعىنىڭ تۇراقتى دامۋىنا مۇمكىندىك بەرىلگەن.

اۋىل شارۋاشىلىعى سالاسىن دامىتۋ باعىتىندا جۇيەلى جۇمىستاردى جۇرگىزۋ مەن مەملەكەتتىك قولداۋدىڭ ناتيجەسىندە اۋىل شارۋاشىلىعىنىڭ جالپى ءونىم كولەمى وسكەن. ماسەلەن، 7 ايدا اۋىل شارۋاشىلىعىنىڭ جالپى ءونىم كولەمى 3 پايىزعا ارتقان. ءوسىم نەگىزىنەن مال شارۋاشىلىعىنداعى ءوندىرىس كولەمى 3،2% - عا، ونىڭ ىشىندە ءتىرى سالماقتاعى ەت 3،2% - عا جانە ءسۇت 2،6% - عا ارتۋ ەسەبىنەن بولعان.

ەت ونىمدەرىنە دەگەن سۇرانىس پەن ۇسىنىستىڭ تەپە-تەڭدىگىن قالىپتاستىرۋ ماقساتىندا قالادا 7 مال بورداقىلاۋ الاڭى اشىلدى. مۇندا جالپى 3400 باس ءىرى قارا مال بورداقىلانادى. بۇل جوبالارعا 2،3 ملرد. تەڭگە ينۆەستيسيا تارتىلىپ، 30 جاڭا جۇمىس ورنى قۇرىلدى.

ينۆەستيسيالىق جوبالاردىڭ ىشىندە - «ناۋرىز» ج ش س، «بايزاكوۆ ە» جك، «ابدۋكاريموۆ» جك، «ناركۋلوۆ» جك، «لاپييەۆ» جك-دا مال بورداقىلاۋ الاڭدارى جاڭادان قۇرىلعان بولسا، «التىنساي» مەن «اسىل-جۇلدىز» شارۋا قوجالىقتارى مال بورداقىلاۋ الاڭدارىن كەڭەيتكەن.

وسى جىلدىڭ جەتى ايىندا 9،8 مىڭ توننا ەت وندىرىلسە، جىل سوڭىنا دەيىن 14،6 مىڭ توننا ەت ءوندىرۋ كوزدەلۋدە.

ەسەپتى كەزەڭدەرى قارا مال سانى 80،4 مىڭ باستى، قوي مەن ەشكى سانى 92،6 مىڭ باستى، جىلقى –14،1 مىڭ باس، قۇس 934،7 مىڭ باستى قۇرادى. وتكەن جىلعىمەن سالىستىرعاندا ءوسىم بايقالادى. بۇعان مال وسىرۋشىلەرگە دەگەن مەملەكەتتىك قولداۋ شارالارىنىڭ ارتۋى ىقپال ەتتى.

ايتا كەتەيىك، ەت باعاسىنىڭ ءوسۋى ءوندىرىستىڭ نەمەسە مال باسىنىڭ جەتىسپەۋشىلىگىنە بايلانىستى ەمەس. نارىقتىق ەكونوميكا جاعدايىندا اۋىل شارۋاشىلىعى ونىمىنە جانە تاۋارلاردىڭ باسقا تۇرلەرىنە باعانى كاسىپكەرلەر ءوندىرىس، ساقتاۋ، تاسىمالداۋ كەزىندە جۇمساعان شىعىنداردى ەسكەرە وتىرىپ، سۇرانىس پەن ۇسىنىس نەگىزىندە دەربەس بەلگىلەيتىنىن اتاپ ءوتۋ قاجەت. سونىمەن قاتار، باعاعا سىرتقى فاكتور – كورشى ەلدەر مەن حالىقارالىق نارىقتارداعى ۇقساس ونىمدەر باعاسىنىڭ وزگەرۋى دە اسەر ەتەدى.