شىمكەنت قالاسىنىڭ ءال-فارابي عىلىمي-امبەباپ كىتاپحاناسىندا «تاۋەلسىز قازاقستان: جاسامپازدىققا تولى جىلدار. شىمكەنت قالاسىنىڭ باستى جەتىستىكتەرى» تاقىرىبىندا دوڭگەلەك ۇستەل ءوتتى.

جيىنعا قالا اكىمىنىڭ ءبىرىنشى ورىنباسارى شىڭعىس مۇقان، «Nur Otan» پارتياسى شىمكەنت قالالىق فيليالى ءتوراعاسىنىڭ ورىنباسارى ءمۇراتالى قالمۇراتوۆ، جازۋشى، جۋرناليست، قوعام قايراتكەرى مارحابات بايعۇت، م.اۋەزوۆ اتىنداعى وقۋ پرورەكتورى ساكەن ءماجiنبەكوۆ، قالالىق ءماسليحاتتىڭ دەپۋتاتى راشكۇل وسپانالييەۆا، سونداي-اق، ب ا ق باسشىلارى مەن ەتنومادەني بىرلەستىك وكىلدەرى قاتىستى.

باسقوسۋدا ءسوز العان شىڭعىس جۇمابەك ۇلى قازاقستاننىڭ سوڭعى ءۇش ونجىلدىقتاعى مەملەكەتتىك قۇرىلىستاعى تاريحي سەرپىلىسىنىڭ، ءارتاراپتاندىرىلعان نارىقتىق ەكونوميكانى قۇرۋدا ءۇشىنشى مەگاپوليستىڭ الار ورنى ەرەكشە ەكەنىن جەتكىزدى. قالا حالقىنىڭ 52 پايىزى ەگەمەندىك العان 30 جىلدىڭ ىشىندە دۇنيەگە كەلگەنىن جانە شاھار تۇرعىندارىنىڭ ورتاشا جاسى 28ء-دى قۇراعانىن ايتتى. سونداي-اق، ايتۋلى جىلدى شاھاردا كەڭ كولەمدە مەرەكەلەۋ بارىسىن اتاپ ءوتتى.

ەگەمەندىك العالى ەلىمىزدە كوپتەگەن اۋقىمدى جوبالار اتقارىلىپ، سونىڭ جەمىسىن كورىپ كەلەمىز. وسى جەتىستىكتەردىڭ ىشىندە شىمكەنت قالاسى مەن جۇرتشىلىعىنىڭ الاتىن ۇلەسى ەداۋىر. تاۋەلسىزدىكتىڭ 30 جىلدىعىن كەڭ كولەمدە قامتۋ ماقساتىندا باسقارمالار مەن اۋدان اكىمدىكتەرىنەن ۇسىنىستار جيناقتالىپ، ءار ايعا ارنايى اتاۋلار بەرىلگەن. بۇل رەتتە بيىل ءبىرىنشى جارتىجىلدىقتا قالا بويىنشا تاۋەلسىزدىگىمىزدى ۇلىقتاعان 175 ءىس-شارا وتكىزىلدى. ونىڭ ىشىندە رەسپۋبليكالىق 74 اۋقىمدى ءىس-شاراعا 45 مىڭنان استام ادام قامتىلدى. بۇل جۇمىستار ءالى دە ءوز جالعاسىن تاباتىنى ءسوزسىز.

دوڭگەلەك ۇستەل بارىسىندا قاتىسۋشىلار تاۋەلسىزدىكتىڭ 30 جىلدىعى اياسىندا شىمقالادا اتقارىلعان جۇمىستار مەن جەتكەن جەتىستىكتەردى تالقىلادى. سونىمەن قاتار، «تۋعان قالا» اتتى بەينەروليكتى تاماشالادى.