پرەزيدەنتتىك جاستار كادر رەزەرۆى جاس تالانتتاردى انىقتاۋعا مۇمكىندىك بەرەدى. وسىلاي دەگەن مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى ءالي كومەكبايەۆ ىرىكتەۋدەن وتكەن ۇمىتكەرلەر وزىندەگى تىڭ يدەيانى ۇسىنۋ ارقىلى حالىققا جاڭاشىلدىق الىپ كەلەتىنىنە سەنىمدى. 2019 جىلى العاش رەت ۇيىمداستىرىلعان بۇل شارانىڭ سىنىنان سۇرىنبەگەندەر، قازىرگى تاڭدا مەملەتكەتتىك مەكەمەلەردە جوعارى لاۋازىمدى قىزمەت اتقارىپ ءجۇر.

پرەزيدەنتتىك جاستار كادر رەزەرۆى جاس تالانتتاردى انىقتايدى. ىرىكتەۋدەن وتكەن ۇمىتكەرلەر قابىلەتىن كورسەتىپ، وزىندەگى جاڭا يدەيانى ۇسىنا الادى. قىركۇيەك ايىندا باستالاتىن ىرىكتەۋ كەزەڭىنەن وتكەندەر 3 جىل كادر رەزەرۆىندە بولادى. ال العاش رەت 2019 جىلى ۇيىمداستىرىلعان كەزدە ۇمىتكەرلەر 5 جىلعا رەزەرۆكە الىنعان بولاتىن.

وسى بولىپ جاتقان جۇمىس جاستارعا ۇلكەن مۇمكىندىك بەرەدى. امبيسياسى بار، وسەم-اۋ دەپ، وڭەم-اۋ دەپ، جۇمىسىمدى كورسەتەم دەگەندەرگە ۇلكەن مۇمكىندىك. سويتە تۇرىپ، جاڭا تانىستارعا، جاڭا دوستارعا يە بولۋ مۇمكىندىگىن بەرەدى. كوز اشىلادى، ءوزىنىڭ بىلىكتىلىگىن ارتتىرۋعا مۇمكىندىك بەرەدى. ادام قالاسا ءوزى ارىز جازىپ، قۇجاتتاردى تاپسىرىپ، ءوزى قاتىسا بەرەدى. مىنا ءقازىر شارتتى تۇردە ايتايىن، ءدال ءقازىر مىناۋ جاريالاعاننان كەيىن قالاسا 100 مىڭ ادام قاتىسۋى مۇمكىن. العاشقىدا، ەڭ بىرىنشىسىندە. ءسويتىپ سولاردان ءبىرىنشى كەزەڭنەن كەيىن مىڭ ادام قالادى. ەندى پراكتيكانى الاتىن بولساق، شىمكەنت قالاسىنان ءبىرقاتار ازاماتتار العاشقى ىرىكتەۋگە قاتىسقان. ولار شىمكەنت قالاسىندا عانا ەمەس، باسقا مەملەكەتىمىزدە، باسقا وڭىرلەردە جۇمىس جاساۋدا

دەپارتامەنت باسشىسى 2019 جىلى جاستار كادر رەزەرۆى سىنىنان وتكەن 300 ادامنىڭ 60 پايىزى مەملەكەتتىك مەكەمەلەردە قىزمەت اتقارىپ جۇرگەنىن ايتادى. ال قالعاندارى ازىرگە رەزەرۆتە تۇر. كەزەڭدەردەن سۇرىنبەگەن ۇمىتكەرلەردىڭ ءوزى قالاعان سالادا ۇسىنىس ءبىلدىرىپ، جۇمىسىن ءارى قاراي جالعاستىرۋعا مۇمكىندىگى بار.

جاستار كادر رەزەرۆىنە قاتىساتىن ۇمىتكەرلەر بىرنەشە سىننان وتەدى. ولارعا قويىلاتىن تالاپتار دا بار. جاسى 35-دەن اسپاعان، جوعارى ءبىلىمدى جانە كەمىندە 5 جىل جۇمىس ءوتىلى بولۋى كەرەك. سونداي-اق مەملەكەتتىك ءتىلدى ورتاشا دەڭگەيدەن تومەن ەمەس دارەجەدە بىلەتىن ازاماتتار قاتىسا الادى.

ادىلەت نىسانبايەۆ، ق ر پرەزيدەنتى جانىنداعى مەملەكەتتىك باسقارۋ اكادەمياسى شىمكەنت قالاسى بويىنشا فيليالىنىڭ ديرەكتورى. بيىلعى جىلى جاستار كادر رەزەرۆىنىڭ ىرىكتەۋدىڭ جاڭاشىلدىعىنىڭ ءبىر ۇمىتكەرلەرگە مەملەكەتتىك ءتىلدى ءبىلۋ دەڭگەيىن راستايىن قۇجات تالاپ ەتىلەدى. پرەزيدەنتتىك جاستار كادر رەزەرۆىنە قاتىساتىن ۇمىتكەرلەر ءۇشىن 13-15 قىركۇيەك ارالىعىندا QazaqResmiTest-كە دايىندىق كۋرستارى ۇيىمداستىرىلادى.

ايتا كەتەيىك، ەكىنشى كەزەڭدە ۇمىتكەرلەرگە سيتۋاسيالىق تاپسىرمالار بەرىلەدى. وندا ۇمىتكەرلەر قازاقستاننىڭ 2025 جىلعا دەيىنگى ۇلتتىق دامۋ جوسپارىنا سايكەس تاقىرىپتىق باعىتتى تاڭداپ، سول بويىنشا تاپسىرمانى ورىندايدى. قۇجاتتاردى قابىلداۋ اعىمداعى جىلدىڭ 1 قىركۇيەگىنەن باستاپ ارنايى ازىرلەنگەن pkrezerv.gov.kz سيفرلىق پلاتفورمادا ونلاين رەجيمدە جۇرگىزىلەدى.