پرەزيدەنت قاسىم-جومارت توقايەۆ شىعىس ەكونوميكالىق فورۋمىنىڭ پلەنارلىق وتىرىسىندا، اۋعانستاننان كەلەتىن ءقاۋىپ پەن قاتەر تۋرالى ايتتى.
– مەنىڭ ويىمشا، بۇل ەلدەن ءقاۋىپ پەن قاتەردىڭ كەلەتىنى انىق. امەريكا كەتكەننەن كەيىن ول ەلدە قۇنى 85 ميلليارد دوللاردان اساتىن ەڭ زاماناۋي قارۋ-جاراق قالدى. بوسقىنداردىڭ سەيىلۋ ءقاۋپى بار، – دەدى توقايەۆ.
ونىڭ سوزىنشە، مۇنداي "نازىك" ماسەلەدە قازاقستان رەسەي مەن ۇجىمدىق قاۋىپسىزدىك كەلىسىمى ۇيىمىنا مۇشە ەلدەرمەن بىردەي پىكىردە.
– اۋعانستان بۇرىنعىداي بولمايتىنى انىق. ەلگە جاڭا جۇيە ەندى. بۇل جۇيەنىڭ ۇزاققا باراتىنى دا انىق. تالىپتەر بارلىق مەملەكەتپەن دوستىق قارىم-قاتىناستى كوزدەيتىندەرىن ايتتى. دەسە دە ءبىز ساق بولۋىمىز قاجەت. جاقىن كۇندەرى ءبىزدىڭ ەلدى پانالىعىسى كەلەتىن بوسقىندار كوبەيۋى مۇمكىن. بۇل بىزگە ۇلكەن ءقاۋىپ ءتوندىرۋ مۇمكىن، – دەدى ول.
15 تامىزدا تاليبان ۇيىمى كابۋلعا كىرىپ، اۋعانستاندا ۇستەمدىگىن ورناتقان. ەلدەگى جاعداي اقش اسكەري قىزمەتشىلەرى شىعارىلا باستاعاننان كەيىن شيەلەنىسە ءتۇستى.
پىكىر قالدىرۋ