تاليبان اۋعانستاندى باقىلاۋعا الىپ، ءۇش اپتادان كەيىن ۋاقىتشا ۇكىمەتتى باسقارۋعا موللا مۇحاممەد حاسان احۋندتى تاعايىندادى.
موللا احۋند – بۇۇ سانكسيالار تىزىمىندەگى ادام. ول ۇزاق ۋاقىت بويى تاليباننىڭ نەگىزگى شەشىمدەرىن قابىلدايتىن ورگان – كوشباسشىلىق كەڭەستى باسقارادى. ول بۇعان دەيىن 1996-2001 جىلدارى تاليبان بيلىگىندە سىرتقى ىستەر ءمينيسترى، كەيىن پرەمەر-مينيستردىڭ ورىنباسارى بولعان.
سەيسەنبىدە كابۋلدا وتكەن باسپا ءسوز ءماسليحاتىندا تاليبان وكىلى زابيحۋللا مۋجاحيد تالىپتەردىڭ باسشىسى موللا احۋندتىڭ ورىنباسارى تاليبان قوزعالىسىنىڭ نەگىزىن قالاۋشى ابدۋل عاني بارادار بولاتىنىن ايتتى.
تاليبان باسشىلىعىنداعى كوپتەگەن ادامدار سياقتى مولدا احۋند ءوز بەدەلىن قوزعالىستىڭ تۇڭعىش كوشباسشىسى موللا مۇحاممەد ومارعا جاقىندىعى ارقىلى جيناعان.
احۋند تاليبان قوزعالىسى پايدا بولعان كانداگاردان شىققان.
بۇۇ-نىڭ سانكسيالار تۋرالى ەسەبىندە ول وماردىڭ "جاقىن سەرىكتەسى جانە ساياسي كەڭەسشىسى" رەتىندە سيپاتتالعان.
پىكىر قالدىرۋ