شىمكەنت قالاسىنىڭ باس سانيتار دارىگەرى ابديماناپ تۋلەبايەۆ كارانتين شارالارىنا وزگەرىستەر مەن تولىقتىرۋلار ەنگىزدى.
"كارانتين رەجيمى جانە كوروناۆيرۋس ينفەكسياسىنىڭ تارالۋىن الدىن الۋ جونىندەگى شەكتەۋ شارالارى ەپيدەميولوگيالىق جاعداي تۇراقتالعانعا دەيىن ۇزارتىلسىن" دەلىنگەن باس سانيتار قاۋلىسىندا.
سونىمەن قاتار اتالعان قۇجاتقا ساي:
- ادامداردىڭ كوپ جينالۋىنا بايلانىستى كەز كەلگەن ءىس-شارالاردى وتكىزۋگە تىيىم سالىنادى؛
- 65 جاستان اسقان ادامداردىڭ قالادا ءجۇرۋى شەكتەلەدى؛
- قوعامدىق ورىندارعا جانە قىزمەتىنە رۇقسات ەتىلگەن وبەكتىلەرگە بارلىق كەزدە، سونداي-اق، اشىق اۋادا ورنالاسقان قوعامدىق ورىنداردا بولعان كەزدە بەتپەردە كيۋ، الەۋمەتتىك قاشىقتىقتى ساقتاۋ، انتيسەپتيكتەردى پايدالانۋ قاتاڭ ساقتالۋعا ءتيىس؛
- بانكەت زالدارىنىڭ جۇمىسىنا جانە قوعامدىق تاماقتانۋ وبەكتىلەرىندە جانە باسقا دا ورىنداردا ەسكە الۋ، قۇدالىق، بەتاشار، توي، تۋعان كۇن، شىعارىپ سالۋ، قۇدالىق سىندى شارالار وتكىزىلمەۋى كەرەك.
قاۋلى 10 قىركۇيەكتەن باستاپ كۇشىنە ەنەدى.
قاۋلىنىڭ تولىق نۇسقاسىمەن مىنا جەردەن تانىسۋعا بولادى.
پىكىر قالدىرۋ