رەسەي پرەزيدەنتى ۆلاديمير پۋتين اينالاسىنداعى ادامداردان كوروناۆيرۋس ينفەكسياسى انىقتالعاننان كەيىن ءوزىن-وزى وقشاۋلاعان. بۇل تۋرالى ول تاجىكستان پرەزيدەنتى ەمومالي راحمونمەن تەلەفون ارقىلى سويلەسكەندە ايتتى.
وسىعان بايلانىستى رەسەي پرەزيدەنتى وسى اپتادا دۋشانبەدە ۇجىمدىق قاۋىپسىزدىك كەڭەسىنىڭ جوسپارلانعان سەسسياسىنا، شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا بەينەكونفەرەنسيا ارقىلى قاتىساتىن بولدى.
سونىمەن قوسا 13 قىركۇيەكتە ول كرەملدە رەسەيلىك پاراليمپيادا سپورتشىلارىمەن اڭگىمەلەسۋ باراسىندا اينالاسىنداعىلاردىڭ كوپشىلىگى COVID-19 اۋرۋىمەن اۋىراتىنىن ايتىپ، جاقىن ارادا ءوزى دە وقشاۋلاناتىنىن جاسىرمادى.
– ءبىزدى ءقازىر دارىگەرلەر قاراپ جاتىر. مەنىڭ ورتامدا كوۆيدپەن اۋىراتىندار بار. مەنىڭ ويىمشا، مەن جاقىن ارادا وقشاۋلانۋىم مۇمكىن، – دەگەن رەسەي پرەزيدەنتى.
پىكىر قالدىرۋ