ق ر پرەزيدەنتى قاسىم-جومارت توقايەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا ارناعان جولداۋىندا فارماسيەۆتيكا ونەركاسىبىنە ەرەكشە كوڭىل ءبولۋدى ايتىپ، وتاندىق دارى-دارمەك پەن قۇرال-جابدىقتىڭ ۇلەسىن بۇگىنگى 17 پايىزدان 50 پايىزعا جەتكىزۋ مەجەسىن بەلگىلەدى. بۇل باعىتتا جاقسى دامىپ كەلە جاتقان شىمكەنت قالاسىنداعى وتاندىق دارى-دارمەكتەردىڭ ءىرى ءوندىرۋشىسى بولىپ تابىلاتىن «حيمفارم» زاۋىتىن اتاپ وتكەن ءجون.
بۇگىندە كاسىپورىن تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە «سامۇرىق-قازىنا فارماسيا» ج ش س ساتىپ الاتىن دارىلىك زاتتاردىڭ جالپى كولەمىنىڭ ۇشتەن ءبىرىن وندىرەدى.
«حيمفارم» كومپانياسى وتكەن جىلى 52،6 ملرد تەڭگەگە 76،920 مىڭ ءونىم قاپتاماسىن وندىرسە، وسى جىلدىڭ جەتى ايىندا 25،8 ملرد تەڭگەگە 42 مىڭ شاماسىندا ءونىم قاپتاماسىن شىعارعان. بۇعان قوسا، كومپانيادا مەديسينانىڭ تەراپيا سالاسىنا قاجەتتى الۋان ءتۇرلى اۋرۋلاردى ەمدەۋگە ارنالعان 12 فارموتەراپيالىق توپقا جاتاتىن 200-دەن استام دجەنريكتىك جانە ءتۇپنۇسقالىق پرەپاراتتار شىعارىلادى. سونداي-اق، زاۋىت قازىرگى كۇنى شىمكەنت قالاسىندا تۇراتىن 1 مىڭعا جۋىق ادامدى تۇراقتى جۇمىسپەن قامتىپ وتىر.
قازىرگى ۋاقىتتا كومپانيا GMP حالىقارالىق ستاندارتتارىنا سايكەس جۇمىس ىستەپ تۇرعان فارماسيەۆتيكالىق وندىرىستەردى جاڭعىرتۋ بويىنشا اسا ءىرى ينۆەستيسيالىق جوبانى ىسكە اسىرۋدا. 2023 جىلعا دەيىنگى ينۆەستيسيالىق باعدارلامانىڭ كولەمى 120 ميلليون اقش دوللارىنان استام سومانى قۇرايدى. بۇگىنگى تاڭدا يگەرىلگەن سوما 97 ملن. اقش دوللارىن قۇرايدى.
كومپانيا ونىمدەرىن رەسەي، ۋكراينا، قىرعىزستان، موڭعوليا، وزبەكستان، تۇركمەنستان، تاجىكستان سىندى 7 ەلدىڭ نارىقتارىنا ەكسپورتتايدى جانە ىشكى نارىقتىڭ قاجەتتىلىكتەرىن قامتاماسىز ەتەدى.
پىكىر قالدىرۋ