ورالدا جانتۇرشىگەرلىك جول-كولىك اپاتى سالدارىنان ەكى ادام قازا تاپتى، دەپ حابارلادى Polisia.kz سايتى.

وبلىستىق پوليسيا دەپارتامەنتىنىڭ مالىمەتىنشە، قايعىلى وقيعا 9 قازان كۇنى ساعات 16:15 شاماسىندا اباي داڭعىلىندا بولعان. 

ەكىنشى بازالىق ايالداما جانىندا Lada Priora مەن Mercedes كولىكتەرى سوقتىعىسقان. قاتتى سوققى سالدارىنان "Lada" كولىگىندە وتىرعان ەكى ادام – 2000 جىلى تۋعان بويجەتكەن مەن 1985 جىلى تۋعان ەر ادام قايتىس بولدى. ولاردىڭ دەنەسى اپاتقا ۇشىراعان كولىكتەن قۇتقارۋشىلار كومەگى ارقىلى شىعارىلعان.

"جول-كولىك وقيعاسى بولعان جەردە وقيعانىڭ سەبەپتەرىن انىقتاۋ ماقساتىندا پوليسيا قىزمەتكەرلەرى جۇمىس ىستەپ جاتىر. اتالعان فاكت بويىنشا قىلمىستىق كودەكسىنىڭ 345-بابى 4-بولىگى (ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەسىن بۇزۋ) بويىنشا سوتقا دەيىنگى تەرگەۋ باستالدى. پوليسيا دەپارتامەنتى جۇرگىزۋشىلەرگە جانە باسقا جول قوزعالىسىنا قاتىسۋشىلارعا جولدا اباي بولۋدى جانە مۇقيات بولۋدى، سونداي-اق، جول قوزعالىسى ەرەجەلەرىن قاتاڭ ساقتاۋدى ەسكەرتەدى" دەپ حابارلادى بقو ءىىد باسپا ءسوز قىزمەتى.