اۋعانستان ىشكى ىستەر مينيسترلىگى قىزداردىڭ ورتا مەكتەپتە وقۋىنا جاقىن ارادا رۇقسات ەتىلەتىنىن ايتتى.
اۋعانستان ىشكى ىستەر مينيسترلىگىنىڭ وكىلى كاري سايد حوستي ءال-جازيرا تەلەارناسىنا بەرگەن سۇحباتىندا ناقتى ۋاقىتتى ءبىلىم مينيسترلىگى جاريالايتىنىن حابارلادى.
– مەنىڭ تۇسىنىگىم مەن اقپاراتىم بويىنشا، جاقىندا بارلىق ۋنيۆەرسيتەتتەر مەن مەكتەپتەر قايتا اشىلادى، بارلىق قىزدار مەن ايەلدەر مەكتەپكە جانە مۇعالىمدىك جۇمىستارىنا ورالادى، – دەدى ول.
تاليبان ءجاسوسپىرىم قىزدارعا "ءقاۋىپسىز وقۋ ورتاسى" بولعانعا دەيىن مەكتەپكە بارماۋ كەرەكتىگىن بۇيىرعان. ءبىراق بارلىق سىنىپتاعى ۇلدار مەن باستاۋىش مەكتەپ جاسىنداعى قىزدار مەكتەپكە قايتا ورالدى.
1990-شى جىلدارداعى تاليبان بيلىگى كەزىندە اۋعانستانداعى ايەلدەردىڭ ءبىلىم الۋى جانە جۇمىسقا ورنالاسۋىنا زاڭدى تۇردە تىيىم سالىنعان. اۋعانستانداعى جاڭا بيلىكتىڭ كەيبىر شەكتەۋ ساياساتتارى "تالىپتەر بۇرىنعى قاتال رەجيمدى قايتالاۋى مۇمكىن" دەگەن قورقىنىشتى تۋدىردى.
پىكىر قالدىرۋ