ناتو قورعانىس مينيسترلەرى رەسەيدىڭ بىرنەشە باعىتتاعى كەز كەلگەن ىقتيمال شابۋىلىنان قورعانۋدىڭ جاڭا باس جوسپارىن ماقۇلدادى. بۇل – وداقتىڭ قىتايعا كوبىرەك كوڭىل بولگەنىنە قاراماستان، ماسكەۋدى تەجەۋ جونىندەگى نەگىزگى ماقساتىن راستادى.
قۇپيا ستراتەگيا بالتىق پەن قارا تەڭىز ايماقتارىندا يادرولىق قارۋ، كومپيۋتەرلىك جەلىلەردى بۇزۋ جانە عارىش جاسالاتىن شابۋىلداردى قامتيتىن كەز كەلگەن باسقىنشىلىققا دايىندالۋعا باعىتتالعان.
كەلىسسوزدە جاڭا سيفرلىق تەحنولوگيالاردى دامىتۋ ءۇشىن 1 ميلليارد دوللارلىق قارجىلاندىرۋدى قامتاماسىز ەتۋگە كەلىسىم بەرىلدى.
ناتو باس حاتشىسى يەنس ستولتەنبەرگ كەزدەسۋدەن كەيىن "ءبىز وداعىمىزدى جاقسارتىلعان جانە جاڭارتىلعان جوسپارلارمەن نىعايتۋدى جالعاستىرامىز" دەدى.
گەرمانيانىڭ قورعانىس ءمينيسترى اننەگرەت كرامپ-كاررەنباۋەر قارجى مەن كەلىسىم "رەسەيدىڭ قازىرگى ارەكەتتەرىنە بەيىمدەلۋگە باعىتتالعانىن" مالىمدەدى.
كرامپ-كاررەنباۋەر "اسىرەسە، بالتىق جاعالاۋى ەلدەرى اۋە كەڭىستىگىنىڭ قاۋىپسىزدىگى (رەسەي تاراپىنان) بۇزىلعانىن، قارا تەڭىزگە شابۋىل جيىلەگەنىن كورىپ وتىرمىز" دەدى.
پىكىر قالدىرۋ