شىمكەنت قالاسىندا 1 ملن تەڭگە كولەمىندەگى تۇرعىن ءۇي سەرتيفيكاتىنا يە بولعان 265 ازامات العاشقى جارنا تولەۋ مىندەتىنەن بوساتىلىپ نەسيەلىك باسپاناعا قول جەتكىزدى.

مەملەكەت تاراپىنان جەڭىلدىككە يە بولعان ازاماتتار «نۇرلى جەر» مەملەكەتتىك باعدارلاماسىنىڭ «2-10-20 باقىتتى وتباسى»، «5-10-20 شاڭىراق»، «5-20-25» باعىتىنىڭ قاتىسۋشىلارى.

تۇرعىن ءۇي سەرتيفيكاتىنا جالپى سانى 818 ءوتىنىم كەلىپ تۇسكەن. الايدا ونىڭ ىشىندە 424 ازاماتتىڭ ءوتىنىمى تۇرعىن ءۇي سەرتيفيكاتتارىنىڭ شارتتارى مەن تالاپتارىنا سايكەس كەلمەگەندىكتەن باس تارتىلعان.

بۇگىندە تۇرعىن ءۇي سەرتيفيكاتىنا وتىنىمدەر قابىلداۋ «كezekte.kz» ينتەرنەت رەسۋرسى ارقىلى ونلاين جۇرگىزىلۋدە. بۇل ءۇشىن ءاربىر ازاماتتىڭ جانە ونىڭ كامەلەتكە تولعان وتباسى مۇشەلەرىنىڭ ەلەكتروندى سيفرلىق قولتاڭباسى (ەسق) بولۋى قاجەت. قاتىسۋعا نيەت بىلدىرگەن تۇلعا سوڭعى 6 ايدا وتباسىنىڭ جيىنتىق تابىسى ونىڭ ءاربىر مۇشەسىنە شاققاندا 106336،2 تەڭگەدەن اسپاعان جاعدايدا جانە تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن بەرۋ تۋرالى بانكتىڭ ماقۇلداعان حاتى ارقىلى تۇرعىن ءۇي سەرتيفيكاتىنا ءوتىنىم جىبەرە الادى.

جىل باسىنان بەرى شىمكەنت قالاسى بويىنشا «وتباسى بانك» ارقىلى كرەديتتىك تۇرعىن ۇيمەن «5-20-25» باعىتى بويىنشا 730 ازامات قامتىلعان بولسا، ونىڭ 261ء-ى تۇرعىن ءۇي كەزەگىندە تىركەلگەندەر. سونداي-اق، «7-20-25» باعدارلاماسى بويىنشا شىمكەنت قالاسىنداعى ەكىنشى دەڭگەيلى بانكتەر ارقىلى 1362 ازامات العاشقى تۇرعىن ءۇيدى نارىقتان نەسيە راسىمدەپ ساتىپ العان. «2-10-20 باقىتتى وتباسى» باعدارلاماسى بويىنشا 158 وتباسى تۇرعىنجايمەن قامتاماسىز ەتىلگەن.

ايتا كەتۋ كەرەك جىل سوڭىنا دەيىن 7-20-25، 5-10-20 (شاڭىراق)، 5-20-25، 2-10-20 (باقىتتى وتباسى) باعىتتارى ارقىلى جەڭىلدەتىلگەن كرەديتتىك تۇرعىن ۇيلەرمەن – 4 413 وتباسىنى قامتۋ جوسپارلانۋدا.