شىمكەنت قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ءتوراعاسى، اكىمنىڭ ءبىرىنشى ورىنباسارى شىڭعىس مۇقاننىڭ باسشىلىعىمەن قۇزىرلى مەملەكەتتىك ورگاندار باسشىلارى جانە جەرگىلىكتى ۇكىمەتتىك ەمەس ۇيىمدار جەتەكشىلەرىنىڭ قاتىسۋىمەن كوميسسيا وتىرىسى وتكىزىلدى.

وڭىرلىك كوميسسيا مۇشەلەرى ۇلتتىق كوميسسيانىڭ وتىرىسىنا بەينە-كونفەرەنس بايلانىسى ارقىلى قاتىستى. كۇن تارتىبىنە سايكەس «وتباسىنداعى زورلىق-زومبىلىقسىز قازاقستان» جوباسىنىڭ ىسكە اسىرىلۋى تۋرالى ماسەلەلەر تالقىلاندى.

سونداي-اق، كوميسسيا وتىرىسىندا «قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىن» ىسكە اسىرۋ بويىنشا ءبىرقاتار ماسەلەلەر قاراستىرىلدى.

ونىڭ ىشىندە، بەكىتىلگەن جوسپارعا سايكەس «بالاسىز وتباسىلاردى مەملەكەتتىك قولداۋ تۋرالى» دەنساۋلىق ساقتاۋ باسقارماسىنىڭ، «جالپى ءبىلىم بەرەتىن پاندەردىڭ مازمۇنىنداعى رەپرودۋكتيۆتى تاربيە مەن ءبىلىم بەرۋ ماسەلەسى تۋرالى» ءبىلىم باسقارماسىنىڭ، «قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىنىڭ ەڭبەكشى اۋدانىندا ورىندالۋ بارىسى تۋرالى» ەڭبەكشى اۋدانى اكىمىنىڭ ورىنباسارى، اۋداندىق كوميسسيا ءتوراعاسىنىڭ جانە «وتباسىلىق قۇندىلىقتاردى نىعايتۋ، تۇرمىستىق زورلىق-زومبىلىقتىڭ پروفيلاكتيكاسى جانە رەپرودۋكتيۆتى دەنساۋلىقتى ساقتاۋ ماسەلەلەرىن تۇرعىندار اراسىندا ىلگەرىلەتۋ بويىنشا ءدىني بىرلەستىكتەرمەن جۇمىس تۋرالى» ءدىن ىستەرى باسقارماسى باسشىلارىنىڭ اتقارىلعان جۇمىستار تۋرالى باياندامالارى تىڭدالدى. وندا وزەكتى ماسەلەلەر تالقىلانىپ، شەشۋ جولدارى قاراستىرىلدى.

قورىتىندىسى بويىنشا شىمكەنت قالاسىنىڭ اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى وڭىرلىك كوميسسيا تاراپىنان ءتيىستى جۇمىستاردى جۇرگىزۋ بويىنشا ءبىرقاتار قۇزىرلى ورگاندارعا ۇسىنىستار بەرىلدى.