«شاڭىراق» وتباسى ينستيتۋتىن قولداۋ ورتالىعىندا ءتۇرلى دەڭگەيدەگى 266 كۋرس ءوتتى. وندا كوپبالالى 80 انا ماسساج، تىگىن، كونديتەرلىك، SMM جۇرگىزۋ ءىسى بويىنشا سەرتيفيكات الدى.

ودان بولەك، 100-دەن استام ايەل قۇراق كورپە، ديزاينەر، قىش-قۇمىرا ونەرى بويىنشا وتكەن ماستەر كلاسسقا جانە كومپيۋتەرلىك ساۋاتتىلىقتى ارتتىرۋ ساباعىنا قاتىستى.

بۇل كۋرستار - بيزنەس جوسپار قۇرۋعا، جەكە بيزنەسىن اشۋعا گرانت نەمەسە ميكروكرەديت الۋعا مۇمكىندىكتەردى كورسەتۋ ارقىلى الەۋمەتتىك جاعدايىن تۇزەۋگە ىقپال ەتەدى.

اتالعان ورتالىقتا بالالاردىڭ دامۋى مەن تانىمدىق بەلسەندىلىگىن ارتتىرۋ بويىنشا دا ءتۇرلى كۋرستار ۇيىمداستىرىلدى. ولار ورىس ءتىلى، اعىلشىن ءتىلى مەن ماتەماتيكا جانە لوگوپەد كۋرسى، شاحمات كۋرسى ءوتتى. بۇل ساباقتارعا 140-تان استام بالا قاتىستى.