شىمكەنتتە قىسقا دايىندىق جۇمىستارى باستالىپ كەتكەن. شىمكەنت قالاسى اكىمىنىڭ ورىنباسارى م.ايمانبەتوۆ قىسقى مەزگىلگە ارنايى تەحنيكالاردىڭ دايىندىق جۇمىستارىن پىسىقتاۋ ماقساتىندا «لتد-تۇرمىس» ج ش س بازاسىنا بارىپ، اۋدان اكىمدەرىمەن جانە مەكەمە باسشىلارى، جاۋاپتى ماماندارمەن جيىن وتكىزدى. «لتد-تۇرمىس» ج ش س - اباي، ءال-فارابي، ەڭبەكشى اۋداندارىنا بەكىتىلگەن مەكەمە.

قالا اكىمىنىڭ ورىنباسارى ءار اۋدانعا قاجەتتى تەحنيكالاردىڭ بولۋىنا كوز جەتكىزدى. قار كۇرەۋ جول سىزىقتارىندا باعىتتاردىڭ ۋاقىتى، تەحنيكا سانى كورسەتىلمەگەنىن ايتىپ، جولاياقتاردى ۋاقتىلى تازالاۋ ءۇشىن ارنايى تەحنيكا-تراكتور ششەتكالاردىڭ جانە قوسپالاردى شاشۋدىڭ وزىندىك باعىتتارى بولۋى كەرەكتىگىن ەسكەرتتى.

قۇم مەن تۇز قوسپاسىنىڭ ساپاسى - 1كگ تۇزعا 3 كگ قۇم بولۋ تالابىنىڭ ورىندالۋىن، بارلىق تەحنيكالاردىڭ ارناۋلى لوگو-جازۋلارمەن جابدىقتالۋىن، قار شىعارعان كەزدە ارنايى كولىكتەردىڭ بارىپ كەلۋ سىزباسى جاسالىپ، سوعان سايكەس جۇمىس ىستەلۋىن تاپسىردى.

ءۇش اۋداندا دا ارناۋلى قار جيناقتاۋ پوليگوندارىنىڭ جاسالۋى، جانار ماي قورى، جۇرگىزۋشىلەر مەن جول جۇمىسشىلار سانى جەتكىلىكتى بولۋى، قار كۇرەۋ كۇرەكتەرىن رەتكە كەلتىرۋ جونىندە نۇسقاۋ بەردى.

سونىمەن قاتار، م.ايمانبەتوۆ قىسقى ماۋسىمدا شالعاي ورنالاسقان ەلدىمەكەندەردە دە الەۋمەتتىك نىساندارعا بارار جولداردىڭ قاردان دەر كەزىندە تازالانىپ وتىرۋىن، وعان قاجەتتى تەحنيكالاردى جابدىقتاپ، كولىك باعىتتارىنىڭ ۋاقىتىن، ارا قاشىقتىعىن جانە ءتيىستى قاراجات مولشەرىن انىقتاپ ءوتىنىش بەرۋدى اۋدان اكىمدەرىنە جۇكتەدى.