شىمكەنت قالاسىنىڭ سولتۇستىك بولىگى تولىق تازا اۋىز سۋمەن قامتىلماق. قازان ايىنىڭ سوڭىنا دەيىن جوسپارلانعان قۇرىلىس جۇمىستارىنىڭ ءقازىر 91 پايىزى اياقتالعان. بۇگىندە تولىق سانى 20 مىڭعا جۋىق تۇرعىندى تازا اۋىز سۋمەن قامتۋ ماقساتىندا قۇبىرلاردى جالعاۋ جۇمىستارى ءجۇرىپ جاتىر.

بۇل قۇبىرلار – وتاندىق ءونىم. قالانىڭ سولتۇستىك بولىگىن تولىق تازا اۋىز سۋمەن قامتيتىن سۋاققىنىڭ 50-دەن 100 جىلعا دەيىن جاقسى جۇمىس ىستەيتىن كەپىلدىگى بار. اعىمداعى جىلدىڭ قازان ايىنىڭ سوڭىنا دەيىن اتالعان سۋاققىدان تۇرعىندار تازا اۋىز سۋ الا الادى.

قازىرگى تاڭدا 11 شاقىرىمعا جوسپارلانعان سۋاققىنى ورناتۋ جۇمىسىنىڭ 91 پايىزى ورىندالعان. جىل اياعىنا دەيىن 10 ەلدىمەكەندى تازا اۋىز سۋمەن قامتۋ جوسپارلانىپ وتىرعان كورىنەدى. ولاردىڭ قاتارىندا «دوستىق»، «اسار-2»، «يگىلىك»، «جاڭاتالاپ»، «سولتۇستىك ساياجاي» شاعىناۋداندارى بار. تولىق ەسەپتە 20 مىڭ ابونەمەنتكە سۋ بەرۋ جوسپاردا دەيدى جاۋاپتىلار.

نۇرعالي قوسمۇراتوۆ، سۋ قۇبىرى جانە كاناليزاسيا باسقارماسىنىڭ ديرەكتورى
- «دوستىق» مولتەكاۋدانىندا ءبىز 48 شارشى مەترگە 37 ميلليونعا ينۆەست باعدارلاما بويىنشا بۇرىنعى اق ترۋبا دەيدى، سونى اۋىستىردىق. ازات، قايتپاس-2، 2كم 700 پوگونومەتردى اۋىستىرىپ وتىرمىز. سونىڭ كەسىرىنەن اۆاريالىق جاعدايلار تومەندەپ وتىر. 1:34 حالىققا تولىققاندى، 100 پايىزعا بەرۋ جونىندە ءقازىر مەملەكەت تاراپىنان 11 ملن قاراجات ءبولىنىپ وتىر. ول 10 ەلدىمەكەندى قامتىپ وتىر. ءقازىر 3 مەردىگەر جۇمىس ىستەپ جاتىر.

2021-2025 جىلدار ارالىعىندا جاڭا 5 جىلدىق مەرزىمگە جالپى قاراجاتى 750 ميلليوننان اساتىن ينۆەستيسيالىق باعدارلاما ەنگىزىلگەن. ونىڭ 309 ميلليون تەڭگەسى 2021 جىلعا وتكەن. سونداي-اق، بيىل سۋ جەلىلەرىندە ورىن الاتىن اپاتتىق جاعدايلاردىڭ سانى 500-دەن 300-گە دەيىن تومەندەگەن