قازىرگى تاڭدا شىمكەنت قالاسىندا حالىقارالىق باعىتتا 4 اۋە قاتىناسى جۇزەگە اسىرىلعان. اتاپ ايتقاندا، ستامبۋل، ماسكەۋ، كۋتايسي جانە شاردجا قالالارىنا جولاۋشىلار تىكەلەي قونا الادى.

ەلىمىزدىڭ ءۇشىنشى مەگاپوليسىندە حالىقارالىق باعىتتاردان بولەك قازاقستاننىڭ وزگە وڭىرلەرىمەن دە تىكەلەي بايلانىس بار. ىشكى ءتۋريزمدى دامىتۋ ماقساتىندا 8 وڭىرمەن، اتاپ ايتقاندا نۇر-سۇلتان، الماتى، اقتاۋ، اتىراۋ، اقتوبە، قوستاناي، ورال جانە سەمەي قالالارىمەن تىكەلەي اۋە قاتىناسى بار. 

شىمكەنت قالاسىنا كەلۋشىلەر شاھارداعى ساياباق، مۇراجاي، تاريحي ورىندار سىندى 100-گە جۋىق تۋريستىك نىساندى تاماشالاي الادى. ول ءۇشىن شىمكەنت قالاسى تۋريزم جانە سىرتقى بايلانىستار باسقارماسىنا قاراستى «Visit Shymkent» تۋريستىك-اقپاراتتىق ورتالىعى تاراپىنان 17 تۋريستىك مارشرۋت ازىرلەنگەن. مارشرۋت ارقىلى كەلگەن تۋريستەر ەش كەدەرگىسىز بارىپ، ۋاقىتتى ءتيىمدى پايدالانىپ ءارى وزدەرى بىلەتىن تىلدە اقپارات الۋىنا بولادى. سونىمەن قاتار، وڭتۇستىكتىڭ ءتۋريزمى باستاۋ الاتىن تىرەك تۋريستىك نۇكتەسى سايرام تۇرعىن الابىندا رەسپۋبليكالىق ماڭىزى بار قازاقستاننىڭ ساكرالدى گەوگرافياسىنا ەنگەن يبراگيم اتا، قاراشاش انا كەسەنەلەرى مەن مارتوبە كەشەنى سەكىلدى 7 كيەلى نىساندى كورىپ، تاريحىمەن تانىسا الادى.

ايتا كەتەرلىگى، بىلتىر بۇل تۋريستىك نىسانداردا اقپاراتتىق قولجەتىمدىلىكتى ارتتىرۋ ماقساتىندا 3 تىلدەگى QRء-تولقۇجاتتار مەن ناۆيگاسيالىق ستەلالار ورناتىلعان بولاتىن.

جالپى، بۇگىندە شىمكەنت قالاسىندا تۇرعىندار مەن تۋريستەر ءۇشىن 125 ورنالاستىرۋ ورنى، 1216 تاماقتانۋ ورنى، 87 تۋريستىك ۇيىم قىزمەت كورسەتۋدە. جىل سوڭىنا دەيىن قالاعا كەلۋشىلەر سانىن 300 مىڭنان اسىرۋ جوسپارلانىپ، قالا ەكونوميكاسىنا تۇسەتىن تابىس كولەمىن ەكى ەسەگە ارتتىرۋ كوزدەلگەن.

شىمكەنت قالاسى تۋريزم جانە سىرتقى بايلانىستار باسقارماسىنىڭ باسپا ءسوز قىزمەتى