"قازگيدرومەت"  6-8 قاراشاعا ارنالعان اۋا رايى بولجامىن جاريالادى.

سينوپتيكتەردىڭ دەرەگىنشە، دەمالىس كۇندەرى قازاقستاننىڭ باسىم بولىگىندە اۋا رايى جاۋىن-شاشىنسىز ءارى شۋاقتى بولماق. بۇل رەتتە انتيسيكلون تەمپەراتۋرانىڭ بىرتىندەپ كوتەرىلۋ ءۇردىسىن ساقتاپ قالادى. تەك 7-8 قاراشا كۇندەرى سولتۇستىك-باتىس سيكلونىنىڭ اسەرىنەن ەلدىڭ باتىس وڭىرلەرىندە جاڭبىر مەن قار جاۋۋى ىقتيمال. 

"باتىستا اۋا تەمپەراتۋراسى تۇندە -5 گرالۋس سۋىقتان +5 گرادۋسقا دەيىن كوتەرىلۋى مۇمكىن، ال كۇندىز سىناپ باعاناسى +5 + 15 گرادۋس جىلىلىقتى كورسەتەدى. سولتۇستىكتە، سولتۇستىك-باتىستىڭ ورتالىعىندا جانە رەسپۋبليكانىڭ شىعىسىندا اۋا تەمپەراتۋراسى تۇندە -3-11 گرادۋس، كۇندىز  +1+8 گرادۋسقا دەيىن كوتەرىلۋى مۇمكىن. ەلىمىزدىڭ وڭتۇستىگىندە تۇندە سىناپ باعاناسى +1-10 گرادۋستى كورسەتسە، كۇندىز +3-12 گرادۋس جىلى بولماق. وڭتۇستىك-شىعىستا تۇندە -5-15 گرادۋس اياز بولسا، كۇندىز -3 پەن +8 ارالىعىندا اۋا رايى قۇبىلمالى بولادى" دەلىنگەن حابارلامادا.