ماڭعىستاۋ وبلىسى اكىمدىگىنىڭ جانىنداعى قوعامدىق كوممۋنيكاسيالار ورتالىعى اقتاۋ قالاسىنىڭ 29 ا شاعىن اۋدانىندا بولعان جارىلىستىڭ ىقتيمالدى سەبەبىن جاريالادى.

ورتالىق مالىمەتىنشە، قازىرگى ۋاقىتتا جارىلىس بولعان جەردە توتەنشە جاعداي دەپارتامەنتىنىڭ 70 قىزمەتكەرى مەن 11 تەحنيكاسى اۆاريالىق-قۇتقارۋ جۇمىستارىن جۇرگىزىپ جاتىر. سونداي-اق پوليسيا دەپارتامەنتىنىڭ 150 ادامى مەن 20 تەحنيكاسى جۇمىلدىرىلعان

كينولوگيالىق قىزمەت جۇرگىزگەن بارلاۋ جۇمىسى بويىنشا جارىلىس ورنىندا زارداپ شەككەندەر جوق ەكەنى انىقتالعان. "شەرقالا" كەشەنى يەسىنىڭ ايتۋىنشا، بارلىق جۇمىسشىلار بۇل عيماراتتان كەشكى ساعات 18:00-دەن 20:00-گە دەيىن شىعىپ كەتكەن. ماڭعىستاۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى بەكبولات ءابدىقادىروۆتىڭ ايتۋىنشا، جارىلىس گازدىڭ اۋاعا تارالۋىنان بولۋى مۇمكىن. وقيعا ورنىنان ەكى گاز بالونى شىعارىلعان.

– عيمارات ءيسىنىڭ ايتۋىنشا، قوقىس استىندا ءارقايسىسىسى 50 ليتر بولاتىن تاعى ەكى گاز بالونى بار. تولىعىراق اقپارات اۆاريالىق-قۇتقارۋ جۇمىستارى جويىلعاننان كەيىن جۇرگىزىلەدى، – دەپ حابارلادى ماڭعىستاۋ وبلىسى تج دەپارتامەنتى باستىعىنىڭ ورىنباسارى بەكبولات ءابدىقادىروۆ.