اقش پرەزيدەنتى دجو بايدەن مەن جۇڭگو حالىق رەسپۋبليكاسىنىڭ ءتوراعاسى سي سزينپين اراسىندا وتكەن ۆيرتۋالدىق سامميت اياقتالدى، دەپ جازادى ۆۆس.

ۆۆس ۆيرتۋالدىق كەزدەسۋ تايۆان، ساۋدا جانە ادام قۇقىعى سەكىلدى ماسەلەلەر بويىنشا ەكى ەل اراسى ۇشىعىپ تۇرعان ۋاقىتتا وتكەنىنە نازار اۋداردى.

بايدەن جيىندا ەكەۋارا باسەكەلەستىك اشىق جانجالعا ۇلاسىپ كەتپەۋىنە ەكى تاراپ تا جاۋاپتى ەكەنىن ايتقان.

ونلاين كەزدەسۋ كەزىندە كليماتتىق وزگەرىستەر مەن Covid-19-عا قارسى كۇرەس، باسەكەلەستىككە تۇسكەندە اقىلمەن ارەكەت ەتۋ، ويىن ەرەجەسىن بۇزباي، ءبىر-بىرىنىڭ قۇندىلىعى مەن مۇددەسىن قۇرمەتتەۋ ماسەلەلەرى ءسوز بولعان.

ساراپشىلار بايدەن قۇندىلىق پەن مۇددە تۋرالى ايتقاندا سوڭعى ۋاقىتتا ءتۇرلى جانجالعا سەبەپ بولىپ جۇرگەن تايۆان ماسەلەسىن مەڭزەگەنىن ايتادى.

جۇڭگو تايۆانعا وزىنەن بولەكتەنگەن پروۆينسيا ەسەبىندە قاراسا، تايۆان ءوزىن ەگەمەن ەل سانايدى. ال اقش تايۆاننىڭ ۇستانىمى جاعىندا.

وتكەن ايدا بايدەن اقش تايۆانعا جۇڭگو شابۋىلدايتىن بولسا، ونى قورعايتىنىن ءمالىم ەتكەن.

ۆۆس ەكى دەرجاۆا باسشىلارىنىڭ كەزدەسۋىگە كەلىسۋى ولاردىڭ بۇعان دەيىنگى اشىق جاۋلاسۋىنان ەكى جاققا دا پايدا كەلمەگەنىن بىلدىرەتىنىن جازادى.