قالا تۇرعىندارىنا ينتەرنەت جەلىسىن قولجەتىمدى ەتۋ جەرگىلىكتى اكىمدىكتەردىڭ باستى مىندەتتەردىڭ ءبىرى. قالالىق سيفرلاندىرۋ باسقارماسىنىڭ دەرەگىنشە، وسى ماقساتتا 2020 جىلى قالاداعى 10 قوعامدىق ورىنعا 30 «اقىلدى كۇنباعىس» اقپاراتتىق-تانىمدىق كەشەنى ورناتىلدى.

اتاپ ايتقاندا، ورتالىق ساياباقتا – 3، تاۋەلسىزدىك ساياباعى -6، مەتاللۋرگتەر ساياباعى – 3، قوشقار اتا – 2، جەڭىس ساياباعى – 3، دەندرو ساياباعى – 3، اباي ساياباعى – 6، «ەسكى قالا» سيتادەل اۋماعىندا – 4.

ءقازىر 9 ايدىڭ ەسەبى بويىنشا، «اقىلدى كۇنباعىس» كەشەنىن قولدانىلعان قالا تۇرعىندارىنىڭ سانى 250 مىڭعا جەتتى. سونىمەن قاتار، بۇل كورسەتكىشتى جوعارىلاتۋ ماقساتىندا اعىمداعى جىلى قوسىمشا 10 قوعامدىق ورىندارعا 30 «Wi-fi aimaq» مودەمدەرى ورناتىلىپ، ىسكە قوسىلدى.

ولار، بايدىبەك بي ەسكەرتكىشىنىڭ الاڭى – 2، شىمكەنت قالاسى اكىمشىلىك عيماراتىنىڭ ارتىنداعى پاركتىڭ الاڭى – 4، نۇرسات اللەياسى (نازاربەكوۆا-بايدىبەك بي كوشەلەر قيىلىسى) – 2، فونتان «تيۋلپان» - 2، اربات – 4، نۇرسات №130 مەكتەپ ارتىنداعى اللەياسى – 2، ناۋرىز الاڭى – 4، ءشامشى اللەياسى – 2، دەندروساياباق – 6، قازىنا ساياباعى ماڭىندا.

قازىرگى تاڭدا، «Wi-fi aimaq» مودەمدەرىن تۇراقتى قولدانۋشىلار سانى 9000-عا جۋىقتادى. الداعى ۋاقىتتا، قالا اۋماعىنداعى قوعامدىق ورىنداردى 100% تەگىن Wi-fi جەلىسىمەن قامتۋ ماقساتىندا 4 اۋدان اكىمدىگىمەن تالداۋ جۇمىستارى جۇرگىزىلۋدە. 2022 جىلى قالا اۋماعىنداعى قوعامدىق ورىنداردىڭ بارلىعىن دەرلىك تەگىن WI-FI جەلىسىمەن قامتۋ جۇمىستارى جوسپارلانۋدا. ءتيىستى جۇمىستار ىسكە اسىرىلسا قالا اۋماعىنداعى قوعامدىق ورىندار جوعارعى جىلدامدىقتى ينتەرنەت جەلىسىمەن قامتىلاتىن بولادى.