شىمكەنت قالاسى ەڭبەكشى اۋداندىق جاستار رەسۋرستىق ورتالىعىندا قازاقستان حالقى اسسامبلەياسى جانىنداعى انالار كەڭەسىنىڭ «انالار ۇلاعاتى – ۇرپاققا امانات» تاقىرىبىندا جاستارمەن كەزدەسۋى ءوتتى.
كەزدەسۋدە قوعامداعى انالاردىڭ ءرولى مەن جاۋاپكەرشىلىگى جانە ۇرپاق تاربيەسى تۋرالى شىمكەنت قالالىق ەڭبەكشى اۋداندىق انالار كەڭەسىنىڭ مۇشەلەرى الشىنوۆا ىنتىزار، جاقسىلىقوۆا ايجامال، نۇرعالييەۆا اليا، ت.ب. ءسوز سويلەدى.
– قازىرگى زاماناۋي پروگرەستىڭ كۇن ساناپ قارقىندى تۇردە العا جىلجۋى، قوعامدا بۇرىن قالىپتاسقان پىكىرلەر مەن ستەروتيپتەردىڭ وزگەرۋى، مادەنيەتتەر مەن سالت-داستۇرلەردىڭ ۋاقىت تالابىنا ساي ىقشامدالۋى، عالامتورداعى سۇرىپتالماعان اقپاراتتاردىڭ قولجەتىمدىلىگى، جەلىك قۋعان جاستاردىڭ الەۋمەتتىك جەلىلەردە ساعاتتاپ وتىرۋى، اتا-انالاردىڭ ءوز دەڭگەيىندە بالا تاربيەسىنە نازار اۋدارماۋى، بۇرىننان ۇلتتىق تالىم-تاربيەنىڭ وزەگى سانالاتىن اتا-اجە سىندى قوعامدىق ينستيتۋتتىڭ السىرەۋى سەكىلدى فاكتورلار جاس بۋىننىڭ تاربيەسىنە ايتارلىقتاي ىقپال ەتۋدە – دەدى ءوز سوزىندە ەڭبەكشى اۋداندىق انالار كەڭەسىنىڭ مۇشەسى ى.التانوۆا.
وسى باعىتتاعى كەزدەسۋ سونداي-اق، ءال-فارابي اۋداندىق جاستار رەسۋرستىق ورتالىعىندا دا ۇيىمداستىرىلدى.
كەزدەسۋدە اۋداندىق انالار كەڭەسىنىڭ ءتورايىمى بارلىبايەۆا تۇرسىناي، مۇشەسى اقجىگىتوۆا ۇرزادا، حاليلايەۆا رايحان، ت.ب سوزگە شىقتى. كەزدەسۋ بارىسىندا الۋان وي-پىكىرلەرگە كەزەك بەرىلىپ، ءان-جىردان شاشۋ شاشىلدى.
پىكىر قالدىرۋ