نۇر-سۇلتانداعى "Mega Silk Way" ساۋدا جانە ويىن-ساۋىق ورتالىعىندا 29 جاستاعى ايەل كوز جۇمدى.
قالالىق قوعامدىق دەنساۋلىق ساقتاۋ باسقارماسى باسپا ءسوز قىزمەتى مالىمەتىنشە، وقيعا 22 قاراشا كۇنى بولعان. 103 پۋلتىنە ايەل ساۋدا ورتالىعىندا ەس-تۇسسىز جاتقانى تۋرالى قوڭىراۋ تۇسكەن.
"جەدەل جاردەم بريگاداسى كەلگەن كەزدە ءومىر ءسۇرۋ بەلگىلەرى جوق ايەل تابىلدى. كۋاگەرلەردىڭ ايتۋىنشا، 1992 جىلى تۋعان ايەل كەنەت ەسىنەن تانىپ قالعان، سودان كەيىن تالماسى باستالعان. وقيعا كۋاگەرلەرى ساۋدا ورتالىعى فەلدشەرلىك پۋنكتىنىڭ قىزمەتكەرلەرىن شاقىرعان، رەانيماسيا جۇرگىزدى، ءبىراق ناتيجە بولمادى" دەلىنگەن حابارلامادا.
قازىرگى ۋاقىتتا ءمايىت پوليسياعا تاپسىرىلعان.
پىكىر قالدىرۋ