شىمكەنتتە م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ عيماراتىندا جۇمىسسىز جاستاردى قالا اۋماعىندا ورنالاسقان يندۋستريالدى ايماقتارداعى كاسىپورىندارعا جۇمىسپەن قامتۋ ماقساتىندا «وڭتۇستىك-قازاقستان مەتاللۋرگيالىق كومپانياسى» ،"كيتايسكو-كازاحستانسكايا مارگانسيەۆايا يندۋستريالنايا گرۋپپا"، «شىمكەنت مەتاللۋرگيالىق كومپانياسى-شمك»، «ابايل ءوندىرىس» جشس-لەرى، م.اۋەزوۆ اتىنداعى وڭتۇستىك قازاقستان ۋنيۆەرسيتەتى مەن قالالىق جۇمىسپەن قامتۋ جانە الەۋمەتتىك قورعاۋ باسقارماسىمەن ءوزارا بىرلەسكەن مەموراندۋمعا قول قويىلدى.
اتالعان كەزدەسۋگە م.اۋەزوۆ اتىنداعى وقۋ رەكتورى، ق ر ۇلتتىق عىلىم اكادەمياسىنىڭ اكادەميگى، ت.ع.د.،پروفەسسور د.قوجامجاروۆا، كاسىپورىن باسشىلارى، قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا قاتىستى.

جالپى، «وڭتۇستىك» يندۋستريالدى ايماقتا ورنالاسقان "كيتايسكو-كازاحستانسكايا مارگانسيەۆايا يندۋستريالنايا گرۋپپا" جشس-گى - مەتالدار مەن قورىتپالاردى ساتۋمەن، ال، «شىمكەنت مەتاللۋرگيالىق كومپانياسى-شمك» -قارا مەتالداردىڭ قالدىقتارى مەن سىنىقتارىن قايتا وڭدەۋ، سونداي-اق قارا جانە ءتۇستى مەتالداردىڭ سىنىقتارى مەن قالدىقتارىن كوتەرمە ساۋدادا ساتۋمەن اينالىسادى.
وسىعان وراي، جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرى جوعارىدا اتالعان كاسىپورىندارى مەن وقۋ ورنى باسشىلارىنا «ەڭبەك» مەملەكەتتىك باعدارلاماسىنىڭ «جاستار پراكتيكاسى»، «الەۋمەتتىك جۇمىس ورىندارى» جانە «العاشقى جۇمىس ورنى» باعىتتارىمەن تانىستىردى.

مەملەكەتتىك باعدارلامانىڭ تيىمدىلىگىنە قىزىعۋشىلىق تانىتقان كاسىپورىنداردىڭ باسشىلىعى الداعى ۋاقىتتا اتالعان كاسىپورىندارعا جۇمىسكەرلەردى، م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ مەتاللۋرگ، تەحنولوگ جانە ت.ب. تەحنيكالىق ماماندىق تۇلەكتەرىن تۇراقتى جۇمىسقا جانە «جاستار» پراكتيكاسى»، «العاشقى جۇمىس ورنى»، «الۋمەتتىك جۇمىس ورىندارى» باعىتتارى بويىنشا مەملەكەت ەسەبىنەن اقىلى ۋاقىتشا جۇمىسقا تارتۋعا كەلىسسوز جۇرگىزدى.

ايتا كەتسەك، جىل باسىنان بەرى «ەڭبەك» مەملەكەتتىك باعدارلاماسى بويىنشا 28 286 ادامدى جۇمىسقا ورنالاستىرۋ جوسپارلانسا، بۇگىنگى تاڭعا دەيىن 26 013 ادام جۇمىسقا جولدانىپ وتىر. ونىڭ ىشىندە 2 578 ادام جاستار پراكتيكاسىمەن، 347 ادام الەۋمەتتىك جۇمىس ورىندارىنا، 118 ادام «العاشقى جۇمىس ورىندارى» جوباسىمەن قالاداعى ءتۇرلى كاسىپورىندار مەن مەكەمەلەرگە جۇمىسقا ورنالاستى.