شىمكەنتتە قالالىق حالىقتى جۇمىسپەن قامتۋ ورتالىعى، قالالىق “جاستار رەسۋرستىق ورتالىعىمەن” بىرلەسە جۇمىسسىزدارعا ارنالعان كوشپەلى بوس جۇمىس ورىندارى جارمەڭكەسى ءوتتى.

ق ر تاۋەلسىزدىگىنىڭ 30 جىلدىعىنا وراي قالا اكىمى م.ايتەنوۆتىڭ بەكىتكەن
«30 جۇلدىزدى كۇن» ءىس-شارالار جوسپارى اياسىندا ۇيىمداستىرىلعان جارمەڭكەدە تۇرعىندارعا قالاداعى ءتۇرلى مەكەمەلەر مەن كاسىپورىندارى تاراپىنان 700-گە جۋىق تەحنيكالىق، پەداگوگيكالىق جانە ت.ب.ماماندىقتارى بويىنشا تۇراقتى بوس جۇمىس ورىندارى ۇسىنىلدى.

«شاڭىراق» ورتالىعىندا وتكەن جارمەڭكەدە جۇمىسپەن قامتۋ ورتالىعىنىڭ ماماندارى «ەڭبەك» مەملەكەتتىك باعدارلاماسىنىڭ تيىمدىلىگى مەن جۇمىسپەن قامتۋ شارالارىنا قاتىسۋ مۇمكىندىكتەرىن ءتۇسىندىرىپ، اقپاراتتاندىردى.

- بۇگىنگى بوس جۇمىس ورىندارىنىڭ جارمەڭكەسىندە جۇمىس ورىندارىن ۇسىنىپ قانا قويماي، ناتيجەلى ءارى تۇراقتى جۇمىسپەن قامتۋ، جۇمىس بەرۋشى مەكەمەلەردىڭ سۇرانىسىنا ساي قاجەتتى مامان تاڭداۋلارىنا مۇمكىندىك بەرىلەدى. جالپى، قازىرگى تاڭدا قالا اۋماعىنداعى «الەم بت»، «Azala Textile»، «گاۋحار تىگىن فابريكاسى»، "Alliance" ج ش س، «PetroKazakhstan» سىندى ءىرى كاسىپورىنداردا تەحنيكالىق ماماندىقتار سۇرانىسقا يە بولسا، جارمەڭكە بارىسىندا اتالعان كاسىپورىندارعا ينجەنەر، ديسپەچتەر،تىگىنشىلەر،مەحانيك، دانەكەرلەۋشى جانە ت.ب. ماماندىقتار قاتارى قاجەت،-دەدى قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا.

ايتا كەتسەك، جىل باسىنان بەرى «ەڭبەك» مەملەكەتتىك باعدارلاماسى بويىنشا 28 286 ادامدى جۇمىسقا ورنالاستىرۋ جوسپارلانسا، بۇگىنگى تاڭعا دەيىن 26 013 ادام قالاداعى ءتۇرلى كاسىپورىندار مەن مەكەمەلەرگە جۇمىسقا جولدانىپ وتىر.