شىمكەنتتەگى اباي اۋدانىندا بۇگىنگى تاڭعا دەيىن اكىمدىكتىڭ ۇيىمداستىرۋىمەن كوپ قاباتتى ۇيلەردە مۇلىك يەلەرىنىڭ بىرلەستىگىن (ميب) جانە جاي سەرىكتەستىك (جس) قۇرۋدىڭ تيىمدىلىگىن ءتۇسىندىرۋ بويىنشا تۇرعىندارمەن 597 جينالىس ۇيىمداستىرىلدى. كوپ قاباتتى 411 ءۇيدىڭ كەلىسىم حاتتاماسى جاسالىپ، تۇرعىن ءۇي كولەمىنە شاققاندا 100 پايىزدى قۇراپ وتىر.

ونىڭ ىشىندە كوپ قاباتتى 325 ۇيدە جاي سەرىكتەستىك جانە كوپ قاباتتى 61 ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى. قالعان كوپ قاباتتى 67 ءۇي 1 جانە 2 قاباتتى بولۋىنا بايلانىستى مۇلىك يەلەرىنىڭ بىرلەستىگىنە جانە جاي سەرىكتەستىككە تىركەلۋگە جاتپايدى.

ءال-فارابي اۋدانىندا كوپ قاباتتى ۇيلەردە باسقارۋدىڭ جاڭا نىسانىنا كوشۋ بويىنشا تۇرعىندارمەن 545 جينالىس ۇيىمداستىرىلدى. 53 ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى.

ال 358 ۇيدە جاي سەرىكتەستىك قۇرىلدى. قوسىمشا مۇلىك يەلەرىنىڭ بىرلەستىگىن قۇرۋ بويىنشا كوپ قاباتتى 33 ءۇيدىڭ كەلىسىم حاتتاماسى جيناقتالۋدا.

قازىرگى ۋاقىتتا ەڭبەكشى اۋدانىنداعى كوپ قاباتتى 630 ءۇيدىڭ 16-نان مۇلىك يەلەرىنىڭ بىرلەستىگى، 403-نەن جاي سەرىكتەستىك تۇرىندەگى كەلىسىمى جانە 47-نەن باس تارتۋ حاتتامالارى جيناقتالدى. سونىمەن قاتار، جالپى 565 ۇيگە ءتۇسىندىرۋ جۇمىستارى جۇرگىزىلدى. قاراشانىڭ 18-25 جۇلدىزى ارالىعىندا ەڭبەكشى اۋدانى اكىمى اپپاراتىنىڭ ماماندارى تاراپىنان كوپ قاباتتى 25 ۇيگە ءتۇسىندىرۋ جۇمىستارى جۇرگىزىلىپ، تۇرعىندارعا حاتتامالار بەرىلدى.

قاراتاۋ اۋدانى اۋماعىندا مۇلىك يەلەرىنىڭ بىرلەستىگى جانە جاي سەرىكتەستىك تۋرالى ءتۇسىندىرۋ بويىنشا تۇرعىندارمەن 102 كەزدەسۋ، 25 ونلاين جينالىس وتكىزىلدى. بۇگىنگە دەيىن اۋداندا 10 ميب جانە 312 جس قۇرىلعان. تۇسىندىرمە جۇمىستارىنىڭ ناتيجەسىندە قالعان كوپ قاباتتى ۇيلەردەن حاتتامالار جيناقتالۋدا.