"قاستىق ويلاعاندار تەلەفون ارقىلى بايلانىسقان كەزدە بانك شوتىنىڭ نومىرلەرى مەن نەسيەنىڭ بار-جوعى تۋرالى اقپاراتتى سۇرايدى. سونىمەن بىرگە، «تەحنيكالىق مونيتورينگ» ماقساتىندا دەگەن جەلەۋمەن ازاماتتاردان ءتولقۇجات دەرەكتەرىن، اتاپ ايتقاندا، جسن مالىمەتتەرىن بىلگىسى كەلەدى. الاياقتار، سونىمەن قاتار تەكسەرۋ ءۇشىن دەپ شوت اشۋدى نەمەسە تەستىك-رەجيمدە نەسيە الۋعا ءوتىنىش بەرۋدى جانە ءۇشىنشى تاراپتىڭ شوتىنا اقشا اۋدارۋعا ۇندەيدى.
ۇلتتىق بانك اقشا جىبەرىڭىز دەگەن ەلەكتروندى حاتتار مەن بەلگىسىز نومىرلەردەن تۇسكەن قوڭىراۋلارعا جاۋاپ بەرمەۋگە كەڭەس بەرەدى. بەلگىسىز بانك شوتتارىنىڭ رەكۆيزيتتەرى كورسەتىلگەن اياق استى اقشاعا تاپ بولاسىز دەگەن حابارلاما نەمەسە تەلەفون قوڭىراۋى كوبىنەسە الاياقتاردىڭ ارەكەتى بولىپ شىعادى" دەلىنگەن اقپاراتتىق حابارلامادا.
سونداي-اق ۇلتتىق بانك جەكە تۇلعالاردىڭ شوتتارىنا قىزمەت كورسەتپەيتىنىن، اقشالاي ەسەپ ايىرىسۋ مەن مامىلەلەر جاسامايتىنىن ەسكەرتتى.
ۇلتتىق بانكتە شوتتاردى تەك قانا ۇلتتىق بانكتىڭ، ەكىنشى دەڭگەيلى بانكتەردىڭ، شەكتەۋلى زاڭدى تۇلعالاردىڭ وپەراسيالارىن ەسەپكە الۋ ءۇشىن اشىلادى.
"ۇلتتىق بانكتەن" اقشا اۋدارىڭىز دەگەن سيپاتتا كۇماندى حات كەلسە نەمەسە قوڭىراۋ تۇسسە، قۇقىق قورعاۋ ورگاندارىنا ارىزدانۋ قاجەت" دەيدى بانك وكىلدەرى.
پىكىر قالدىرۋ