قازگيدرومەت جەلتوقسان ايىنا ارنالعان اۋا رايى بولجامىن جاريالادى.

سينوپتيكتەردىڭ مالىمەتىنشە، جەلتوقساندا اۋا تەمپەراتۋراسى نورما شاماسىندا بولادى. ەلدىڭ سولتۇستىك جارتىسى مەن باتىسىندا اۋا تەمپەراتۋراسى نورمادان 1° جوعارى بولادى دەپ كۇتىلۋدە.

"جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا، وڭتۇستىك-باتىس جارتىسىندا نورمادان از، ەلدىڭ شىعىس جارتىسىندا جانە قيىر سولتۇستىك-باتىسىندا نورمادان كوپ بولادى دەپ بولجانادى. ايدىڭ باسىندا سكانديناۆيا اۋداندارىنان سولتۇستىك-باتىس سيكلونىمەن بايلانىستى اتموسفەرالىق فرونتتار تۇراقسىز اۋا رايىن تۋدىراتىن بولادى، الدىمەن باتىستا، سودان كەيىن ەلدىڭ وزگە اۋماعىنا ىقپالىن تيگىزەدى، جاۋىن-شاشىن كۇتىلەدى. كوبىنەسە قار تۇرىندە، وڭتۇستىك ايماقتاردا جاڭبىر سوڭى قارعا ۇلاسادى. ايدىڭ ورتاسىندا ەلدىڭ وڭتۇستىك-شىعىس جارتىسىنىڭ تاۋلى جانە تاۋ بوكتەرىندەگى اۋداندارىندا قاتتى جاۋىن-شاشىن كۇتىلەدى. سونداي-اق تۇراقسىز اۋا-رايى جەلدىڭ كۇشەيۋى، بوران، تۇمان جانە كوكتايعاق بولجانادى" دەلىنگەن اقپاراتتىق حابارلامادا.

جەلتوقساننىڭ العاشقى كۇندەرىندە ەلدىڭ باسىم بولىگىندە جىلى اۋا رايى بولادى.

سولتۇستىكتە اۋا تەمپەراتۋراسى تۇندە -10-18°س-تان 0،-8°س-قا دەيىن، كۇندىز -3-8°س-تان -5+5°س-قا دەيىن جوعارىلايدى. وڭتۇستىكدە تۇندە -2+8°س-تان، كۇندىز +10+18°س-قا دەيىن جوعارىلايدى.

باتىس وڭىرلەردە، كەرىسىنشە، اۋا تەمپەراتۋراسى تۇندە 0،-8°س، كۇندىز +7°س-قا دەيىن تومەندەيدى دەپ كۇتىلۋدە.

ءبىرىنشى ونكۇندىكتىڭ ورتاسىنان باستاپ بارەنس تەڭىزى اۋداندارىنان سولتۇستىك-باتىس انتيسيكلوننىڭ باسىپ كىرۋىنە بايلانىستى اۋا تەمپەراتۋراسىنىڭ تومەندەۋى بولجانادى.

اۋا تەمپەراتۋراسى باتىستا، سولتۇستىك-باتىستا تۇندە -7-15°س-قا دەيىن، كۇندىز -5-11°س-قا دەيىن، سولتۇستىكتە، ورتالىقتا، شىعىستا تۇندە -18-26°س-قا دەيىن، كۇندىز -10-18°س-قا دەيىن، وڭتۇستىك-باتىستا تۇندە 0،-5°س-قا دەيىن، كۇندىز +7+2°س-قا دەيىن تومەندەيدى.

ءبىرىنشى ونكۇندىكتىڭ سوڭىندا وڭتۇستىكتە، وڭتۇستىك-شىعىستا تۇندە -5-13°س-قا دەيىن، كۇندىز 0،-5°س-قا دەيىن تومەندەيدى

ءبىرىنشى ونكۇندىكتىڭ سوڭىندا جانە ەكىنشى ونكۇندىكتىڭ باسىندا جەرورتا تەڭىزىنىڭ شىعىس جاعالاۋىنداعى اۋدانداردان جىلى اۋا ماسسالارىنىڭ كەزەكتى شىعارىلۋىمەن ايازداردىڭ السىرەۋى بولجانادى.

رەسپۋبليكانىڭ سولتۇستىك، شىعىس جانە ورتالىق ايماقتارىندا جەلتوقساننىڭ ءۇشىنشى ونكۇندىگىندە تۇندە -27-35°س-قا دەيىن، كۇندىز -18-25°س-قا دەيىن قارقىندى سۋىق تولقىنداردىڭ قايتۋى كۇتىلەدى. قازاقستاننىڭ باتىس جانە وڭتۇستىك وڭىرلەرىندە اۋا تەمپەراتۋراسى تۇندە -5-15°س-تان 0،-5°س-قا دەيىن، كۇندىز 0،-10°س-تان 0،+5°س-قا دەيىن اۋىتقيدى دەپ بولجانادى.

ايدىڭ ورتاسىندا وڭتۇستىك جانە وڭتۇستىك-شىعىس ايماقتاردىڭ تۇرعىندارىن جىلى اۋا رايى كۇتەدى. كۇندىزگى اۋا تەمپەراتۋراسى +10°س-قا دەيىن بولجانادى.

ايدىڭ ەكىنشى جانە ءۇشىنشى ونكۇندىكتەرىندە سولتۇستىك وڭىرلەر مەن تاۋ بوكتەرىنەقارلى بوران مەن جەلدىڭ كۇشەيۋى كۇتىلەدى.