31 قازان، جەكسەنبى كۇنى وبلىس اكىمى وڭداسىن ورازالين جۇمىس بابىمەن مۇعالجار اۋدانىندا بولىپ، سول جاقتىڭ الەۋمەتتىك-ەكونوميكالىق دامۋىمەن، مەملەكەتتىك باعدارلامالاردىڭ جۇزەگە اسىرىلۋىمەن تانىستى. ەكى اۋىلداعى گازدى ىسكە قوسۋ راسىمىنە قاتىستى.
جۇمىس ساپارى اقكەمەر اۋىلىنىڭ كۇردەلى جوندەلگەن كىرە بەرىس جولىن قاراۋدان باستالدى. جۇمىستى «اقتوبە ادال قۇرىلىس» ج ش س مەردىگەر مەكەمەسى كۇزدىڭ باسىندا اياقتاعان. بارلىعى 1،1 شاقىرىم اۆتوكولىك جولىنىڭ توسەمى جاڭارتىلدى. جوبا "Nur Otan" پارتياسىنىڭ سايلاۋالدى باعدارلاماسىن ورىنداۋ بويىنشا جول كارتاسى اياسىندا جۇزەگە اسىرىلعان.
ەلەك اۋىلىندا ءوڭىر باسشىسى گاز قۇبىرىن ىسكە قوسۋ راسىمىنە قاتىستى. مەملەكەت اۋىل تۇرعىندارىن گازبەن قامتۋعا 229 ملن تەڭگەدەن استام قاراجات ءبولدى. 4،7 شاقىرىم گاز قۇبىرى توسەلدى. بۇل دا "Nur Otan" پارتياسىنىڭ سايلاۋالدى باعدارلاماسى بويىنشا جۇزەگە اسىرىلعان جوبالاردىڭ ءبىرى. ەلەك اۋىلىندا بارلىعى 106 ءۇي مەن ءۇش الەۋمەتتىك نىسان بار. بۇدان بولەك، كەزەكتە تۇرعاندارعا جەكە تۇرعىن ءۇي سالۋعا بەرۋ ءۇشىن 208 جەر تەلىمى دايىندالعان.
«مەن وسى اۋىلدا تۋدىم جانە ءومىر بويى وسىندا تۇرىپ كەلەم. گازدى 54 جىل كۇتتىم. بۇل جاڭالىق ءبىز ءۇشىن ۇلكەن قۋانىش بولدى. ءۇي تىرلىگى كىشكەنە ازايدى. بۇل سونداي-اق، ءبىراز ۇنەم، مەن قىسقا كومىر مەن اعاش ساتىپ الۋ ءۇشىن جىلدا 200 مىڭ تەڭگەدەي جۇمسادىم»، - دەيدى اۋىل تۇرعىنى نۇرجامال ىبىراشيەۆا.
وبلىس اكىمى: «گاز – ءبىز ەڭ ءبىرىنشى كەلگەن كەزدە ەلەك تۇرعىندارىنىڭ ايتقان نەگىزگى ءوتىنىشى بولاتىن. بيىل وسى جوبانى جۇزەگە اسىرۋعا مۇمكىندىك تۋدى. 208 جەر تەلىمى جاڭا ۇيلەر سالۋعا دايىندالىپ جاتىر. ەلدى مەكەندەرىڭىزدىڭ كەلەشەگى زور. گاز بار، ەلەكتر بار، ۇلكەن ماگيسترالدى جولدىڭ بويىندا ورنالاسقان. اۋىلدىڭ ءارى قاراي دامۋى سىزدەرگە دە - تۇرعىندارعا دا، ياعني سىزدەردىڭ ەڭبەكقورلىقتارىڭىز بەن بىرلىكتەرڭىزگە بايلانىستى»، - دەپ اتاپ ءوتتى.
سونىمەن بىرگە، ءوڭىر باسشىسى الەۋمەتتىك نىسانداردى، ەڭ الدىمەن مەكتەپتەردى گاز قۇبىرىنا تەز قوسۋدى تاپسىردى.
قىزمەتتىك ساپار قاندىاعاشتا جالعاسىپ، وڭداسىن ورازالين بىلتىر «جۇمىسپەن قامتۋدىڭ جول كارتاسى» مەملەكەتتىك باعدارلاماسى ارقىلى كۇردەلى جوندەلگەن ورتالىق ستاديوننىڭ قىزمەتىمەن تانىستى.
ستاديوندا 500 ادامعا ارنالعان مىنبەر مەن 25 مەترلىك مىلتىق اتاتىن تير بار. مۇندا فۋتبولدان، شاحمات پەن پاۋەرليفتينگتەن، دزيۋدو، سامبو جانە قازاقشا كۇرەستەن وقۋ- جاتتىعۋلار وتەدى.
وسى جىلى قاندىاعاشتا بيزنەستىڭ الەۋمەتتىك جاۋاپكەرشىلىگى اياسىندا ءتورت كوپقاباتتى ءۇيدىڭ قاسبەتى جاڭارتىلدى. جۇمىستىڭ دەمەۋشىسى - «كەنتاۆر» ج ش س.
«كەنتاۆر» جشس-نە بارلىعى 30 ملن. تەڭگە ءبولىندى. قاراجاتتىڭ ءبىر بولىگى قاسبەتتەردى سىرلاۋمەن قاتار كوكتەمدە ەرىگەن سۋدىڭ تاسۋ ءقاۋپى ءتونىپ تۇرعان كوشەلەرگە ارىق سالۋعا جۇمسالدى. بۇدان وزگە، وسى جىلى قالادا جالپى قۇنى 37 ملن تەڭگە بولاتىن جاياۋجول سالىنىپ، بىرنەشە اۋلا جارىقتاندىرىلدى. «نۇرلى كوش» دەگەن ۇلكەن شاعىن اۋدان اشقالى جاتىرمىز. جىل سوڭىنا دەيىن ينفراقۇرىلىم جۇرگىزىپ، كەيىن 135 جەر تەلىمىن بەرۋدى جوسپارلاپ وتىرمىز»، - دەدى اۋدان ورتالىعىن دامىتۋ بويىنشا جوسپارلارى جايىندا بايانداعان قاندىاعاش قالاسىنىڭ اكىمى تالعات وتەمۇراتوۆ.
ءوڭىر باسشىسى ساياباقتاردى، گۇل باقتارى مەن باسقا دا قوعامدىق كەڭىستىكتەردى رەتكە كەلتىرۋگە، كوپقاباتتى ۇيلەردى جوندەۋگە جانە كوشەلەردى تۇنگى جارىقپەن قامتۋعا كوبىرەك كوڭىل ءبولۋدى تاپسىردى.
وبلىس اكىمى سونداي-اق، دەنە شىنىقتىرۋ - ويىن-ساۋىق كەشەنىنىڭ قۇرىلىس بارىسىمەن تانىستى. مۇندا كەلۋشىلەرگە ويىن، كۇرەس جانە جاتتىعۋ زالدارىنان بولەك، ۇلكەن باسسەين بولادى. نىساندى كەلەر جىلى ناۋرىز ايىندا پايدالانۋعا بەرۋ جوسپارلانىپ وتىر. وڭداسىن ورازالين بىرنەشە ءوندىرىس نىسانىنا باردى. ولاردىڭ قاتارىندا «نەوحيم» ءجشس-نىڭ گاز-بەتون قۇرىلىسىنا ارنالعان بۇيىمدار شىعاراتىن زاۋىتى بار. بيىل زاۋىت 2 ملرد تەڭگەگە قايتا قالپىنا كەلتىرىلدى. مۇندا جىلىنا 110 م3-گە دەيىن قابىرعا بلوكتارى مەن كەۋەك گاز-بەتوندارى شىعارادى. نەگىزگى پروبلەما – بىلىكتى ءارى تار بەيىندى ماماندار جەتىسپەيدى. بۇل سۇراق قازىرگى تاڭدا جەرگىلىكتى كوللەدجبەن بىرگە شەشىلۋدە.
«قاراپايىم زاتتار ەكونوميكاسى» باعدارلاماسى بويىنشا كورسەتىلگەن قارجىلاي قولداۋ «كازتەرموگرۋپپ» ءجشس-نىڭ بازالت مينەرالدى ماقتاسىن شىعاراتىن زاۋىتقا جان بىتىرۋگە مۇمكىندىك بەردى. بيىل مامىر ايىندا جاسالعان قالپىنا كەلتىرۋ جۇمىستارىنىڭ قۇنى 1،9 ملرد. تەڭگە. ناتيجەسىندە بەس جىل تۇرىپ قالعان ءوندىرىس ىسكە قوسىلىپ، 230 ادام جۇمىسپەن قامتىلدى. كاسىپورىننىڭ جىلدىق وندىرىستىك قۋاتتىلىعى – 30 مىڭ توننا بازالت مينەرالدى ماقتاسى. ءونىم ىشكى نارىققا جەتكىزىلەدى، سونىمەن قاتار، رەسەي مەن وزبەكستانعا ەكسپورتتالادى.
سول كۇنى مۇعالجار اۋدانىندا تاعى ءبىر اۋىلعا گاز كىردى. جۇرىن اۋىلىنداعى جوبانى جۇزەگە اسىرۋعا 108 ملن تەڭگە بولىنگەن. 1330 ادام تۇراتىن 292 ءتۇتىن، سونىمەن قاتار، التى الەۋمەتتىك نىسان گازبەن قامتىلماق.
«جۇرىن اۋىلىندا بىلتىر ءۇش كوشەنىڭ جولىنا اسفالت توسەلگەن ەدى. بۇل باعىتتاعى جۇمىستار جالعاساتىن بولادى. بالالار لاس جەردى باسپاسىن دەپ مەكتەپكە جاياۋجول سالامىز. اۋدان اكىمى جەرگىلىكتى مەكتەپ عيماراتىن قالپىنا كەلتىرۋ قاجەتتىگىن جەتكىزدى. بۇل جوبا قولداۋ تابادى. ويتكەنى، اۋىل ءوسىپ كەلەدى، بۇرىن كوشىپ كەتكەندەر قايتىپ كەلىپ، ءۇي سالىپ جاتىر. سوندىقتان بالا دا كوپ بولادى»، - دەدى اۋىل تۇرعىندارىمەن تىلدەسكەن وبلىس اكىمى.
«بىزدە ەندى گاز بولاتىنىنا وتە قۋانىشتىمىز. وسىنى كوپ كۇتتىك. بۇل دەنىمىزدىڭ ارمانىمىز. مەملەكەت پەن وبلىستىڭ باسشىلارىنا قولداۋلارى ءۇشىن العىس ايتامىز»،- دەدى اۋىل تۇرعىندارى اتىنان ءسوز العان ءساليما وتەۋلينا.
ەمبى قالاسىندا وڭداسىن ورازالين "Nur Otan" پارتياسىنىڭ سايلاۋالدى باعدارلاماسىن ورىنداۋ بويىنشا جول كارتاسىنىڭ اياسىندا كۇردەلى جوندەلگەن س.تىلەپبەرگەنوۆا اتىنداعى كوشەنى قاراپ شىقتى.
ءوڭىر باسشىسى ەمبى قالاسىنىڭ ءارى قارايعى دامۋىنىڭ جوسپارى تۋرالى باياندامانى تىڭدادى. قازىرگى تاڭدا ەمبىدە 320 ورىنعا ارنالعان جاڭا مەكتەپتىڭ قۇرىلىسى ءجۇرىپ جاتىر، جىل سوڭىنا دەيىن قالانىڭ بارلىق كوشەسى جارىقتاندىرىلادى، وسى ماقساتتا 32 كوشەدە جارىقتاندىرۋ جەلىلەرىن سالۋ جۇمىستارى باستالدى. سونداي-اق، جولداردى سالۋ جانە جوندەۋ جۇمىستارى جالعاسادى.
وبلىس اكىمى ەمبى قالاسىنداعى 45 پاتەرلىك بەس قاباتتى ءۇيدىڭ بەرىلۋىنە قاتىستى. سوسىن كوپ جىلدار بويى قاراۋسىز قالعان 90 پاتەرلى بەس قاباتتى ۇيدە ءجۇرىپ جاتقان جوندەۋ جۇمىستارىنىڭ بارىسىن قاراپ شىقتى.
پاتەرلەر كۇردەلى جوندەۋدەن كەيىن جەرگىلىكتى اتقارۋشى ورگاندا كەزەكتە تۇرعاندارعا بەرىلەتىن بولادى.
بۇدان بولەك، وڭداسىن ورازالين Samruk-Kazyna Trust الەۋمەتتىك جوبالاردى دامىتۋ قورىنىڭ دەمەۋشىلىك قاراجاتىنا سالىنعان سپورت كەشەنىن قارادى. قۇرىلىس قۇنى 228 ملن تەڭگەدەن اسادى. جوبا «مەنىڭ ەلىم» الەۋمەتتىك ينۆەستيسيالار باعدارلاماسى اياسىندا جۇزەگە اسىرىلعان. مۇندا دزيۋدو سەكسيالارى، كۇرەس، بوكس، ۇستەل تەننيسى، ۆوللەيبول، باسكەتبول مەن فۋتبول تۇرلەرىنىڭ بارلىعى جۇمىس جاسايتىن بولادى. كەيىن ەمبىدە كارىز اعىنىن بيوتازارتاتىن، قۋاتتىلىعى 3 مىڭ م3 بولاتىن كوپتەن كۇتكەن كەشەن ىسكە قوسىلدى. قالاعا كوپ جىلدار بويى تازارتۋ يماراتتارى قاجەت بولدى.
بۇگىندە ەمبىدە 12 مىڭنان اسا ادام تۇرادى. بۇل وسىنداي اۋىلدارعا قاراعاندا اناعۇرلىم كوبىرەك. كەشەن مۇعالجار اۋدانىنىڭ ەكولگياسىن ساقتاۋعا ەداۋىر ۇلەس قوسادى. جوبا قۇنى ميللياردتان اسادى. جوبا Nur Otan پارتياسىنىڭ سايلاۋالدى باعدارلاماسىن ورىنداۋ بويىنشا جول كارتاسىنىڭ اياسىندا جۇزەگە اسىرىلعان.
جۇمىس ساپارى جاعابۇلاق اۋىلىندا اياقتالدى. وندا ءوڭىر باسشىسى باتپاقكول اۋىلدىق وكرۋگىنىڭ دامۋ كەلەشەگى تۋرالى باياندامانى تىڭداپ، بيىل «اۋىل – ەل بەسىگى» باعدارلاماسى اياسىندا جوندەلگەن اۋىل ىشىندەگى بەس كوشەنى قارادى جانە انگار تيپتەس سپورت كەشەنىنىڭ قۇرىلىس بارىسىن قاراپ شىقتى، ونىڭ قۇرىلىسى كەلەسى جىلى ءساۋىر ايىندا اياقتالادى دەپ جوسپارلانىپ وتىر.
جۇمىس ساپارىنىڭ قورىتىندىسىندا وبلىس اكىمى اۋدان باسشىلىعىنا ءارى قارايعى الەۋمەتتىك-ەكونوميكالىق دامىتۋ، حالىقتىڭ ءال-اۋقاتىن جاقسارتۋ، مەملەكەتتىك باعدارلامالاردى جۇزەگە اسىرۋ جونىندە ءبىرقاتار تاپسىرمالار بەردى.
اقتوبە وبلىسى اكىمىنىڭ باسپا ءسوز قىزمەتى
