اقتوبە وبلىسىنىڭ اكىمى وڭداسىن ورازالين قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعىنا ارنالعان «تۇعىرلى تاۋەلسىزدىك» رەسپۋبليكالىق اقىندار ايتىسىنىڭ قازىلارىمەن جانە قوناقتارىمەن كەزدەستى. كەزدەسۋگە حالىق ءارتىسى ءاسانالى ءاشىموۆ پەن ونىڭ جۇبايى باعدات ءاشىموۆا، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ ءتوراعاسى ءجۇرسىن ەرمان، قازاقستاننىڭ ەڭبەك سىڭىرگەن قايراتكەرلەرى امانجول التاي، عالىم جايلىباي مەن داۋلەتكەرەي كاپ ۇلى، اقىن-يمپروۆيزاتور باۋىرجان حاليوللا قاتىستى.
كەزدەسۋ بارىسىندا مادەنيەتكە، ايتىستى ۇلتتىق ونەر ءتۇرى رەتىندە دامىتۋ جانە دارىپتەۋ سۇراقتارى تالقىلاندى.
اقتوبە وبلىسى اكىمىنىڭ باسپا ءسوز قىزمەتى
