دەنساۋلىق ساقتاۋ مينيسترلىگى 4 جەلتوقسان كۇنگى ەپيدەميولوگيالىق احۋال تۋرالى اقپاراتتى جاريالادى.
مينيسترلىك مالىمەتىنشە، وتكەن تاۋلىكتە پتر تەست ارقىلى 695 ادامنان كوروناۆيرۋس، 95 ادامنان پنيەۆمونيا انىقتالعان. 3 جەلتوقساندا 15 ادام كوروناۆيرۋستان، 2 ادام پنيەۆمونيادان كوز جۇمعان.
5 جەلتوقسانداعى مالىمەت بويىنشا، 24 325 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 4 882 پاسيەنت ستاسيوناردا، 19 443 ناۋقاس امبۋلاتوريالىق دەڭگەيدە ەم قابىلداۋدا.
ىندەتكە شالدىققاندار اراسىندا 363 ادامنىڭ جاعدايى اۋىر، 96 پاسيەنتتىڭ جاعدايى وتە اۋىر، 61 ناۋقاس ءوجج اپپاراتىندا جاتىر.
5 جەلتوقسانداعى مالىمەت بويىنشا قازاقستاندا 8 778 757 ادام كوروناۆيرۋسقا قارسى ۆاكسينانىڭ I كومپونەنتىن، 8 176 988 ادام II كومپونەنتىن سالدىرعان.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا ساي، سولتۇستىك قازاقستان وبلىسى "قىزىل" ايماقتا، نۇر-سۇلتان قالاسى، اقمولا، قاراعاندى، پاۆلودار، قوستاناي وبلىستارى "سارى" ايماقتا. "جاسىل" ايماقتا الماتى، شىمكەنت قالالارى، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى.
پىكىر قالدىرۋ