اتىراۋ وبلىسى اكىمىنىڭ ورىنباسارى باقىتگۇل حامەنوۆا پارا الدى دەگەن كۇدىككە ءىلىندى. بۇل تۋرالى "اق جايىق" سايتى حابارلادى.
10 جەلتوقسان كۇنى اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقالييەۆ4،5 ملن تەڭگە كولەمىندە پارا الدى دەگەن كۇدىكپەن ۇستالدى.
"كۇدىكتىلەردى نۇر-سۇلتان قالاسىنان اتىراۋعا ارنايى كەلگەن جەمقورلىققا قارسى ءىس-قيمىل اگەنتتىگىنىڭ توبى ۇستادى. الدىن الا مالىمەت بويىنشا، پارا "تەندەرگە" قاتىستى الىنعان" دەلىنگەن حابارلامادا.
ب.حامەنوۆاعا قاتىستى قىلمىستىق كودەكستىڭ 366-بابى 2-بولىگى (اسا ءىرى مولشەردە پارا الۋ) بويىنشا قىلمىستىق ءىس قوزعالعان. ءقازىر ولاردان اتىراۋ وبلىسى سىبايلاس جەمقورلىققا قارسى ءىس-قيمىل دەپارتامەنتىنىڭ عيماراتىندا جاۋاپ الىنۋدا.
سونىمەن قاتار Yedilov online Telegram كانالى ب.حامەنوۆانىڭ كابينەتىنىڭ ەسىگى مورلەنىپ تۇرعان سۋرەت جاريالادى.
پىكىر قالدىرۋ