دەنساۋلىق ساقتاۋ مينيسترلىگى 11 جەلتوقسان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 554 ادامنان كوروناۆيرۋس، 65 ادامنان پنيەۆمونيا انىقتالعان. 10 جەلتوقساندا 15 ادام كوروناۆيرۋستان، 5 ادام پنيەۆمونيادان كوز جۇمعان.

12 جەلتوقسانداعى مالىمەت بويىنشا، 21 211 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 4 145 پاسيەنت ستاسيوناردا، 17 066 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 332 ادامنىڭ جاعدايى اۋىر، 85 پاسيەنتتىڭ جاعدايى وتە اۋىر، 66 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان قالاسى، اقمولا، قاراعاندى، پاۆلودار، قوستاناي، سولتۇستىك قازاقستان وبلىستارى "سارى" ايماقتا.

"جاسىل" ايماقتا: الماتى، شىمكەنت قالالارى، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى.

12 جەلتوقسانداعى مالىمەت بويىنشا 8 852 029 ادام ۆاكسينانىڭ I كومپونەنتىن، 8 286 016 ادام II كومپونەنتىن سالدىرعان.