قازگيدرومەت 13 جەلتوقسانعا ارنالعان اۋا رايى بولجامىن جاريالادى.

سينوپتيكتەردىڭ مالىمەتىنشە، 13 جەلتوقساندا رەسپۋبليكانىڭ باسىم بولىگىندە قار جاۋىپ، كۇن قۇبىلمالى بولادى. وڭتۇستىك جانە وڭتۇستىك-شىعىستا جاۋىن-شاشىن (جاڭبىر، قار)، وڭتۇستىكتە تاۋلى اۋدانداردا نوسەر جاۋادى.

تەك رەسپۋبليكانىڭ باتىسى مەن سولتۇستىگىندە كۇن جاۋىن-شاشىنسىز بولادى. رەسپۋبليكانىڭ كەي جەرلەرىندە تۇمان ءتۇسىپ، كوكتايعاق بولادى، جەل كۇشەيەدى. قازاقستاننىڭ سولتۇستىك-باتىسىندا، شىعىسىندا، ورتالىعىندا بۇرقاسىن سوعادى دەپ كۇتىلەدى.

تۇركىستان وبلىسىنىڭ سولتۇستىگىندە، باتىسىندا، تاۋلى ايماقتارىندا تۇمان ءتۇسىپ، كوكتايعاق بولادى، وبلىستىڭ سولتۇستىگىندە جەلدىڭ جىلدامدىعى سەكۋندىنا 15-20 مەترگە جەتەدى.

جامبىل وبلىسىنىڭ سولتۇستىگىندە، تاۋلى ايماقتاردا تۇمان ءتۇسىپ، كوكتايعاق بولادى. وبلىستىڭ وڭتۇستىك-باتىسىندا، تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە دەيىن جەتەدى.

قاراعاندى وبلىسىنىڭ سولتۇستىگىندە، شىعىسىندا، وڭتۇستىگىندە بۇرقاسىن سوعىپ، تۇمان ءتۇسىپ، كوكتايعاق بولادى دەپ كۇتىلەدى.

شىعىس قازاقستان وبلىسىنىڭ سولتۇستىگىندە بۇرقاسىن سوعىپ، تۇمان تۇسەدى، وبلىستىڭ وڭتۇستىك-باتىسىندا جەل 15-20 م/س جىلدامدىقپەن سوعادى.

قىزىلوردا وبلىسىنىڭ ورتالىعىندا، وڭتۇستىگىندە تۇمان ءتۇسىپ، كوكتايعاق بولادى. وبلىستىڭ سولتۇستىگىندە جەل 15-20 م/س-قا دەيىن كۇشەيەدى.

قوستاناي وبلىسىنىڭ وڭتۇستىگىندە بۇرقاسىن بولىپ، وبلىستىڭ سولتۇستىگىندە تۇمان ءتۇسىپ، تۇندە وبلىستىڭ وڭتۇستىگىندە جەل 15-20 م/س جىلدامدىقپەن سوعادى.

پاۆلودار وبلىسىنىڭ سولتۇستىگىندە، شىعىسىندا جەلدىڭ جىلدامدىعى 18 م/س-قا جەتىپ، بۇرقاسىن سوعادى.

اقتوبە وبلىسىنىڭ سولتۇستىگىندە تۇمان تۇسەدى، وبلىستىڭ وڭتۇستىك-شىعىسىندا جەل 15-20 م/س-قا دەيىن كۇشەيەدى.

الماتى وبلىسىندا الاكول اۋدانىندا جەل 15-20 م/س دەيىن كۇشەيەدى.