مەملەكەت باسشىسى قاسىم-جومارت توقايەۆ ءاليحان سمايىلوۆتى قازاقستاننىڭ پرەمەر-مينيسترى قىزمەتىنە تاعايىندادى. جارلىق اقوردا سايتىندا جاريالاندى.

"ءاليحان اسحان ۇلى سمايىلوۆ قازاقستان رەسپۋبليكاسىنىڭ پرەمەر-مينيسترى لاۋازىمىنا تاعايىندالسىن" دەلىنگەن جارلىقتا.

بۇعان دەيىن ءماجىلىس وتىرىسىندا قاسىم-جومارت توقايەۆ پرەمەر-مينيستر كانديداتۋراسىنا ءاليحان سمايىلوۆتى ۇسىنعان بولاتىن. 89 دەپۋتات كانديداتۋرانى قولداپ، داۋىس بەردى. ناتيجەسىندە دەپۋتاتتار پرەزيدەنتتىڭ ۇسىنىسىن ماقۇلدادى. 

ەسكە سالا كەتەيىك، 5 قاڭتاردا پرەزيدەنت ۇكىمەتتى وتستاۆكاعا جىبەرىپ، مينيسترلەر كابينەتىن باسقارۋ ۋاقىتشا ءاليحان سمايىلوۆقا وتكەن.

ءاليحان اسحان ۇلى سمايىلوۆ 1972 جىلى دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن "قولدانبالى ماتەماتيكا" ماماندىعى بويىنشا ءتامامداعان. 1996 جىلى ق ر پرەزيدەنتى جانىنداعى قازاقستان مەنەدجمەنت، ەكونوميكا جانە بولجامداۋ ينستيتۋتىنىڭ مەملەكەتتىك باسقارۋ ماگيسترى دارەجەسىن العان.

ەڭبەك جولى:

1993-1995 جج. – «ا-ينۆەست» ينۆەستيسيالىق-جەكەشەلەندىرۋ قورىنىڭ باس مامانى.

1995-1996 جج. – ۇلتتىق ستاتيستيكا اگەنتتىگىنىڭ باسقارما باستىعىنىڭ ورىنباسارى، باسقارما باستىعى.

1996 ج. – قازاقستان رەسپۋبليكاسى پرەزيدەنتى جانىنداعى جوعارى ەكونوميكالىق كەڭەستە تالىمگەر.

1996 جىلدىڭ تامىزى – 1998 جىلدىڭ ناۋرىزى – ۇلتتىق ستاتيستيكا اگەنتتىگىنىڭ باسقارما باستىعىنىڭ ورىنباسارى، باسقارما باستىعى.

1998 جىلدىڭ ءناۋرىز-ساۋىرى – ستاتيستيكالىق جوسپارلاۋ جانە رەفورمالار اگەنتتىگىنىڭ ستاتيستيكا جانە تالداۋ كوميتەتى ءتوراعاسىنىڭ ورىنباسارى.

1998-1999 جج. – قازاقستان رەسپۋبليكاسى پرەزيدەنت اكىمشىلىگىندە باس ساراپشى، سەكتور مەڭگەرۋشىسى، مەملەكەتتىك ينسپەكتور 

1999 جىلدىڭ تامىز-قاراشاسى – قازاقستان رەسپۋبليكاسى پرەزيدەنت اكىمشىلىگىندە ۇيىمداستىرۋشىلىق-قاداعالاۋ ءبولىمىنىڭ مەملەكەتتىك ينسپەكتورى 

1999 جىلدىڭ قاراشاسى – 2003 جىلدىڭ اقپانى – قازاقستان رەسپۋبليكاسىنىڭ ستاتيستيتكا اگەنتتىگىنىڭ ءتوراعاسى.

2003 ج. – قازاقستان رەسپۋبليكاسى سىرتقى ىستەر ۆيسە-مينيسترى.

2003-2006 جج. – «ەكسپورتتىق كرەديتتەر مەن ينۆەستيسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» اق باسقارماسىنىڭ ءتوراعاسى.

2006 جىلدىڭ اقپانى – 2007 جىلدىڭ قاڭتارى – قازاقستان رەسپۋبليكاسى قارجى ۆيسە-مينيسترى.

2007 جىلدىڭ قاڭتارى – 2008 جىلدىڭ قاراشاسى – «قازاگرو» ۇلتتىق حولدينگ» اق پرەزيدەنتى.

2008 جىلدىڭ 21 قاراشاسى – 2009 جىلدىڭ 27 قازانى – قازاقستان رەسپۋبليكاسى قارجى ۆيسە-مينيسترى.

2009 جىلدىڭ 27 قازانى – 2014 جىلدىڭ 13 تامىزى – قازاقستان رەسپۋبليكاسىنىڭ ستاتيستيكا اگەنتتىگى ءتوراعاسى.

2014 جىلدىڭ 13 تامىزى – 2015 جىلدىڭ 11 جەلتوقسانى – ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى ءتوراعاسى.

2015 جىلدىڭ 11 جەلتوقسانى – 2018 جىلدىڭ 18 قىركۇيەگى – قازاقستان رەسپۋبليكاسى پرەزيدەنتىنىڭ كومەكشىسى.

2018 جىلدىڭ 18 قىركۇيەگى – 2019 جىلدىڭ 25 اقپانى – قازاقستان رەسپۋبليكاسى قارجى ءمينيسترى.

2019 جىلدىڭ 25 اقپانىنان – پرەمەر-مينيستردىڭ ءبىرىنشى ورىنباسارى – قارجى ءمينيسترى.

2020 جىلدىڭ 18 مامىرىنان باستاپ – قازاقستان رەسپبۋليكاسى پرەمەر-مينيسترىنىڭ ءبىرىنشى ورىنباسارى.