قازاقستاندا سۇيىتىلعان گاز باعاسىنىڭ كوتەرىلۋىنەن باستالعان حالىق نارازىلىعى مەن ونىڭ جاپپاي تارتىپسىزدىككە ۇلاسۋىنا بايلانىستى تۇركى ەلدەرىنىڭ ساراپشىلارى پىكىر ءبىلدىردى.
قىرعىزستاننىڭ بۇرىنعى پرەمەر-مينيسترى فەليكس كۋلوۆ توقايەۆ "قاۋىپسىزدىك كۇشتەرىنە تولىق سەنە الماعاندىقتان ۇجىمدىق قاۋىپسىزدىك تۋرالى شارت ۇيىمىنان (ۇقشۇ) كومەك سۇرادى"دەپ سانايدى.
– ۇقشۇ كۇشتەرى قازاقستاندا از عانا ۋاقىتقا باردى. رەسەي اسكەرىنىڭ قازاقستانعا كومەككە كەلۋى قازاقستاندى باسىپ الۋ ارەكەتتەرىن بىلدىرمەيدى، – دەدى كۋلوۆ.
قىرعىز ساياساتتانۋشىسى مەدەربەك قورعانبايەۆ قازاقستانداعى وقيعالارعا كلاندار اراسىنداعى كۇرەس دەگەن باعا بەردى.
– بۇقارالىق اقپارات قۇرالدارى قازاقستانداعى نەگىزگى ءتيىمدى سەكتورلار، مۇناي مەن شيكىزات ەكسپورتى، كادر ساياساتى، ساۋدا مەن بيزنەس ەكس-پرەزيدەنت نۇرسۇلتان نازاربايەۆتىڭ بيلىگىندە بولعاندىقتان ول قازىرگى پرەزيدەنت توقايەۆقا كادر قۇرامدارىنا وزگەرىستەر ەنگىزۋگە مۇمكىندىك بەرمەي، تاۋەلسىز شەشىمدەر قابىلداۋعا كەدەرگى كەلتىرىپ قىسىم جاساپ جاتىر، – دەيدى ساياساتتانۋشى.
قورعانبايەۆ قازاقستاننىڭ سىرتقى جانە ىشكى ساياساتى قايتا قارالىپ، ەلگە جاڭا ساياسي رەفورمالار قاجەت دەگەن پىكىردە.
تۇركيا باسىلىمدارى قازاقستانداعى جاپپاي تارتىپسىزدىك رەسەي تاراپىنان ۇيىمداستىرىلۋى مۇمكىن ەكەنىن ايتادى.
تۇركيا باسىلىمدارى قازاقستانداعى نارازىلىق پەن تەررورلىق توپتىڭ ارەكەتى رەسەيدىڭ ويىنى بولۋى مۇمكىن دەپ جارىسا جازدى. جاقىندا عانا ىستامبۇلدا وتكەن تۇركى كەڭەسىن رەسەي جاتىرقاماي قاراعاندىعىن دا العا تارتتى.
پىكىر قالدىرۋ