دەنساۋلىق ساقتاۋ مينيسترلىگى 11 قاڭتار كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 4810 ادامنان كوروناۆيرۋس، 79 ادامنان پنيەۆمونيا انىقتالعان. 10 قاڭتاردا 2 ادام كوروناۆيرۋستان كوز جۇمعان.

12 قاڭتارداعى مالىمەت بويىنشا، 27 423 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 3 409 پاسيەنت ستاسيوناردا، 24 014 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 187 ادامنىڭ جاعدايى اۋىر، 59 پاسيەنتتىڭ جاعدايى وتە اۋىر، 41 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى، اتىراۋ وبلىسى "قىزىل" ايماقتا.

اقتوبە، باتىس قازاقستان، پاۆلودار قىزىلوردا، قاراعاندى، ماڭعىستاۋ وبلىستارى "سارى" ايماقتا.

"جاسىل" ايماقتا: اقمولا،الماتى، تۇركىستان، جامبىل، قوستاناي، سولتۇستىك قازاقستان وبلىسى، شىعىس قازاقستان وبلىستارى.

12 قاڭتارداعى مالىمەت بويىنشا 9 026 131 ادام ۆاكسينانىڭ I كومپونەنتىن، 8 568 324 ادام II كومپونەنتىن سالدىرعان.