شەتەلدەگى وپپوزيسيونەر بانكير، قازاقستاندا ەكسترەميستىك دەپ تانىلعان "قازاقستاننىڭ دەموكراتيالىق تاڭداۋى" قوزعالىسىنىڭ جەتەكشىسى مۇحتار ءابليازوۆ ازاماتتاردى قالالاردا ميتينگكە شىعۋىنا بايلانىستى الماتىدا الاڭدار قورشاۋعا الىنىپ، پوليسيا قىزمەتى كۇشەيتىلگەن رەجيمگە ءوتتى.
الماتى پوليسيا باسقارماسى ارنايى ەسكەرتۋ جاريالاپ، ەلدە تەررورعا قارسى وپەراسيانىڭ جۇرگىزىلىپ جاتقانى تۋرالى اقپارات تاراتتى.
پوليسيا ابىلاي حان كوشەسىنىڭ بويىمەن ماقاتايەۆ كوشەسىنەن بوگەنباي باتىر كوشەسىنە دەيىن، سولتۇستىك جانە وڭتۇستىك باعىتتا، تولە بي داڭعىلى بويىمەن جەلتوقسان كوشەسىنەن نازاربايەۆ داڭعىلىنا دەيىن، شىعىس جانە باتىس باعىتتا قوزعالىس شەكتەلەتىنىن ءمالىم ەتتى.
قازىرگى ۋاقىتتا الماتىدا ەسكى الاڭ اتالىپ كەتكەن استانا الاڭى اۋماعى قورشاۋعا الىنعان. الاڭ ماڭىندا پوليسيا مەن سوبر قىزمەتكەرلەرى كوپتەپ ءجۇر. ميتينگ ورنى رەتىندە بەلگىلەنگەن الاڭعا جاقىن جەردە جۇرگەن ادامداردىڭ قۇجاتى تەكسەرىلىپ جاتىر.
سونداي-اق ساياحات اۆتوبەكەتى ماڭىندا دا پوليسيا قىزمەتى كۇشەيگەن.
ميتينگ ورنى رەتىندە بەلگىلەنگەن جەرلەردە بەلسەندىلەر، ميتينگكە شىققاندار ارەكەتى بايقالمايدى.
پىكىر قالدىرۋ