جاڭاوزەن تۇرعىندارى پرەزيدەنت قاسىم-جومارت توقايەۆتان بەيبىت ميتينگكە شىققان ازاماتتاردى ازاپتاۋدى توقتاتۋدى تالاپ ەتتى. ۆيدەوۇندەۋدى جاڭاوزەن قالاسىنىڭ "كەزبي" ج ش س قىزمەتكەرلەرى جولدادى.
"قازاقستاندا بولعان بەيبىت تۇردەگى نارازىلىق، دەمونستراسياسىنا قاتىسقان قاراپايىم حالىقتى كۇشتىك قۇرىلىمدار قۋدالاۋىن توقتاتۋىن تالاپ ەتەمىز. ەگەر دە قۋدالاۋ توقتاماعان جاعدايدا ءبىز قازاقستان رەسپۋبليكاسىنىڭ زاڭنامالارىنا سۇيەنە وتىرىپ، بەيبىت شەرۋگە شىعاتىنىمىزدى قاپەرىڭىزگە سالامىز.
ءسىزدىڭ (پرەزيدەنت قاسىم-جومارت توقايەۆ - رەد) ايتقان ءاربىر جولداۋىڭىزدى ءمان بەرىپ تىڭداپ وتىرمىز. سول جولداۋىڭىز بىرىندە ءتارتىپ بۇزباي، بەيبىت تۇردە نارازىلىق اكسياسىنا شىققان ازاماتتارعا العىسىڭىزدى ايتا وتىرىپ، راقىمشىلىقپەن قاراۋعا تاپسىرما بەردىڭىز. الايدا كۇشتىك قۇرىلىمدار ءسىزدىڭ تاپسىرماڭىزدى اسىرا پايدالانىپ، قاراپايىم ادامداردى ۇيىنەن الىپ كەتىپ، ءارتۇرلى ارەكەتتەر مەن جاساماعان قىلمىستارىن جاسادى دەپ نيەتتى ەكەنىن الەۋمەتتىك جەلىدەن كورىپ جاتىرمىز.
سوندىقتان ق ر گارانتى رەتىندە ق ر ازاماتتارىنا قۇرىلىمدىق كۇشتەردىڭ قىلمىستىق جالا جاۋىپ، قىسىم جاساۋىن توقتاتۋىن تالاپ ەتەمىز. حالىق – تەرروريست ەمەس" دەلىنگەن ۆيدەوۇندەۋدە.
الايدا قازاقستاننىڭ سىرتقى ىستەر مينيسترلىگى ەۋروپالىق پارلامەنتتىڭ ەلدەگى جاعدايعا قاتىستى قابىلداعان قارارىنا "ءبىرجاقتى سيپاتقا يە، وبەكتيۆتى ەمەس تۇجىرىمدارعا نەگىزدەلگەن" دەپ باعا بەردى.
پىكىر قالدىرۋ