"Nur Otan" پارتياسىنىڭ ساياسي كەڭەسىنەن ءماجىلىس دەپۋتاتى داريعا نازاربايەۆا مەن بۇرىنعى پرەمەر-مينيستر اسقار مامين شىعارىلدى.

"Nur Otan" پارتياسىنىڭ ساياسي كەڭەسىنىڭ جاڭا قۇرامىنا كىرگەندەر ءتىزىمى جاريالاندى. 

بۇل جولى جاڭا قۇرام قاتارىنا مادەنيەت جانە سپورت ءمينيسترى – داۋرەن ابايەۆ، قىزىلوردا وبلىسىنىڭ اكىمى – گۇلشارا ءابدىقالىقوۆا، پارتيا ءتوراعاسىنىڭ ءبىرىنشى ورىنباسارى – باۋىرجان بايبەك، قاۋىپسىزدىك كەڭەسىنىڭ حاتشىسى – اسەت يسەكەشيەۆ، الماتى قالاسىنىڭ اكىمى – باقىتجان ساعىنتايەۆ، پرەزيدەنت اكىمشىلىگى باسشىسىنىڭ ورىنباسارى – ايدا بالايەۆا، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى – باعدات مۋسين، مەملەكەتتىك حاتشى – ەرلان كارين، ق ر ۋكراينا مەن مولدوۆاداعى ەلشىسى – دارحان كالەتايەۆ، بيزنەسمەندەر – بولات وتەمۇراتوۆ، ەدۋارد وگاي ەنبەي قالعان.

ساياسي كەڭەستىڭ جاڭا قۇرامىنىڭ قاتارىنا پرەزيدەنت قاسىم-جومارت توقايەۆ، سەنات پەن ءماجىلىس سپيكەرلەرى ماۋلەن اشىمبايەۆ پەن نۇرلان نىعماتۋلين، پرەزيدەنت اكىمشىلىگىنىڭ باسشىسى ەرلان قوشانوۆ قوسىلدى.

بۇگىن پارتيانىڭ كەزەكتەن تىس XXI سەزىندە قاسىم-جومارت توقايەۆ "Nur Otan" پارتياسىنىڭ ءتوراعاسى بولىپ سايلاندى.